పంజా వైష్ణవ్ తేజ్ హీరోగా ప‌రిచ‌య‌మ‌వుతున్న సినిమా ‘ఉప్పెన’. కృతి శెట్టి హీరోయిన్‌గా నటించింది. సుకుమార్ వద్ద దర్శకత్వ శాఖలో పనిచేసిన బుచ్చిబాబు సానా ద‌ర్శకుడిగా ప‌రిచ‌య‌మ‌వుతున్నాడు. సుకుమార్ రైటింగ్స్ సౌజన్యంతో మైత్రీ మూవీ మేకర్స్ బ్యానర్‌పై నవీన్ యెర్నేని, వై.రవిశంకర్ ఈ చిత్రాన్ని నిర్మిస్తున్నారు. మొదటి నుండి కూడా దర్శకుడు సుకుమార్ ఈ సినిమాను తన సొంత సినిమాలానే భావిస్తూ వస్తున్నాడు. తన శిష్యుడు బుచ్చిబాబుకి బాధ్యతలు అప్పగించినా.. సుకుమార్ మాత్రం తన ఫోకస్ ఈ సినిమాపై పెట్టాడు. సుకుమార్ సలహాలు, సూచనలు ఈ సినిమాకి బాగా ప్లస్ అయ్యాయి.
సినిమా పూర్తయిన తరువాత కూడా సుకుమార్ కొన్ని మార్పులు చెప్పడంతో.. దానికి తగ్గట్లుగా రీషూట్లు చేసి ‘ఉప్పెన’ చిత్రాన్ని సిద్ధం చేశారు. ఈ సినిమాను ఈ నెల 12న విడుదల చేయడానికి రంగం సిద్ధం చేశారు. అయితే చివరి నిమిషంలో సుకుమార్ మళ్లీ ఈ సినిమాకి రిపేర్లు చేస్తున్నాడని తెలుస్తోంది. స్క్రీన్ ప్లే చిన్న చిన్న మార్పులు చేశాడని.. కొన్ని సన్నివేశాల ఆర్డర్ ను అటు ఇటూ చేశాడని.. దాంతో కథనం మరింత పట్టుగా సాగిందని తెలుస్తోంది.
కొన్ని సన్నివేశాలను ట్రిమ్ చేయడంతో ఇప్పుడు సినిమా క్రిస్పీ గా షార్ప్ గా వచ్చిందట. ఇటీవల ఈ చిత్రాన్ని మెగాస్టార్ చిరంజీవి కూడా చూసిన సంగతి తెలిసిందే. ఇప్పుడు మిగిలిన మెగా హీరోలందరికీ కూడా స్పెషల్ గా షో వేసి ‘ఉప్పెన’ చిత్రాన్ని చూపించే ఆలోచనలో ఉన్నట్లు సమాచారం. మొత్తానికి సుకుమార్ హ్యాండ్ పడింది కాబట్టి ఈ సినిమా సక్సెస్ గ్యారెంటీ అనే నమ్మకంతో చిత్రబృందం ఉంది.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
