కారణం ఏంటో తెలియడం లేదు కానీ.. పెద్ద హీరోల సినిమాలు అందులోనూ వైవిధ్యమైన కాన్సెప్ట్‌తో తెరకెక్కుతున్న సినిమాలు రెండు ముక్కలు అవుతున్నాయి. అదేనండీ రెండు పార్టులుగా తెరకెక్కుతున్నాయి. కావాలంటే చూడండి ‘బాహుబలి’, ‘పుష్ప’, ‘కేజీయఫ్‌’, ‘కాంతార’.. ఇలా సినిమాలు రెండు ముక్కలు అయ్యాయి. ఇవే కాకుండా మరికొన్ని ఉన్నాయి కూడా. ఇప్పుడు మరో సినిమా కూడా ఇలానే రెండు పార్టులుగా రూపొందనుంది అని చెబుతున్నారు. అదే సూర్య నటిస్తున్న ‘కంగువ’. ఈ సినిమాను రెండు పార్టులుగా విడదీశారట.
సూర్య హీరోగా శివ దర్శకత్వంలో రూపొందుతున్న చిత్రం ‘కంగువ’. యూవీ క్రియేషన్స్‌, స్టూడియో గ్రీన్‌ కలసి నిర్మిస్తున్నాయి. దిశా పటాని కథానాయికగా నటిస్తున్న ఈ సినిమా భారీ పీరియాడిక్‌ యాక్షన్‌ డ్రామాగా సిద్ధమవుతోంది. సూర్య ఈ సినిమాలో అత్యంత పరాక్రమవంతుడిగా కనిపిస్తాడని అంటున్నారు. అయితే ఈ సినిమాకు సీక్వెల్‌ ఉంటుంది అని సినిమా సన్నిహిత వర్గాలు చెబుతున్నాయి. ఇటీవల ఓ ఇంటర్వ్యూలో చిత్ర బృందంలోని సభ్యుడు స్పష్టత ఇచ్చారు.
‘కంగువ’ (Kanguva) సినిమా కథ చాలా పెద్దదని, అందుకే ఈ సినిమాను రెండు భాగాలుగా చెప్పాలనే ఆలోచనకు వచ్చారట. తొలి భాగం క్లైమాక్స్‌ రెండో పార్ట్‌కి మంచి ఆరంభమవుతుందని అంటున్నారు. ఈ సినిమా చిత్రీకరణ ప్రస్తుతం కొడైకెనాల్‌లో జరుపుకుంటోంది. సూర్య, దిశా పటానిపై కీలక సన్నివేశాల్ని తెరకెక్కిస్తున్నారు. త్వరలోనే రెండు పార్టుల విషయం అధికారికంగా ప్రకటిస్తారని చెబుతున్నారు. ఈ చిత్రాన్ని త్రీడీలో కూడా విడుదల చేయాలని నిర్ణయించారు.
పదికి పైగా భాషల్లో సినిమాను విడుదల చేసేందుకు కూడా సన్నాహాలు చేస్తున్నారు. 2024 తొలి నెలల్లో ఈ సినిమా థియేటర్లలోకి వచ్చే అవకాశముందని సమాచారం. మరోవైపు ప్రభాస్‌ ‘సలార్‌’ కూడా రెండు పార్టులుగా వస్తుందని చెబుతున్నారు. అయితే దీనిపై క్లారిటీ లేదు. అలాగే ‘కబ్జ’ సినిమాకు రెండో పార్టు ఉంటుందని ఇటీవల అనౌన్స్‌ చేశారు. ఇలా వరుస సినిమాలు రెండు ముక్కలు అవుతూ వినోదాన్ని డబుల్‌ చేస్తున్నాయి.
ఏజెంట్ సినిమా రివ్యూ & రేటింగ్!
పొన్నియన్ సెల్వన్సినిమా రివ్యూ & రేటింగ్!
బట్టలు లేకుండా నటించిన వారిలో ఆ హీరోయిన్ కూడా ఉందా?
పెళ్లికి ముందు గర్భవతి అయిన హీరోయిన్స్.. ఈ లిస్ట్ లో ఆ హీరోయిన్ కూడా ఉందా
