హీరోయిన్‌గా మంచి బిజీగా ఉన్న సమయంలోనే ఐటెమ్‌ సాంగ్‌ చేసి అందరికీ షాక్‌ ఇచ్చింది తమన్నా. ఆ తర్వాత అప్పుడప్పుడు ఐటెమ్‌ సాంగ్స్ చేస్తూ వస్తోంది. స్టార్‌ హీరోయిన్‌గా ఉన్న సమయంలో అన్ని ఐటెమ్‌ సాంగ్స్ చేసిన హీరోయిన్‌ ఈమెనే అని చెప్పొచ్చు. ఇప్పుడు ఇదంతా ఎందుకు అనుకుంటున్నారా? తమన్నా మరో ఐటెమ్‌ సాంగ్‌కి రెడీ అయిపోయింది. నానితో తమన్నా త్వరలో ఓ పాటలో ఆడిపాడబోతోంది అని టాక్‌ నడుస్తోంది.
నిజానికి తమన్నా ఐటెమ్‌ సాంగ్‌ చేయడం పెద్ద విషయమేమీ కాదు. అయితే ఇప్పుడు ఆమె చేయబోయే ఐటెమ్‌ సాంగ్‌ మామూలుగా ఉండదు అని టాక్‌ నడుస్తోంది. ‘దసరా’ అంటేనే ఫుల్‌ మాస్‌ మూవీ. అలాంటి మాస్‌ మూవీలో ఐటెమ్‌ సాంగ్‌ ఇంకెంత మాస్‌గా ఉంటుందో మీరే ఊహించుకోవచ్చు. ఈ నేపథ్యంలో తమన్నా ఇప్పటివరకు చేసిన ఐటెమ్‌ సాంగ్‌లు చూస్తే.. ఇందులో కిక్‌ ఎక్కువగా ఉంటుంది అని అంటున్నారు. నాని హీరోగా ఓదెల శ్రీకాంత్ దర్శకత్వంలో ‘దసరా’ అనే సినిమా తెరకెక్కుతున్న విషయం తెలిసిందే.
ఇందులో కీర్తి సురేష్ హీరోయిన్‌గా నటిస్తోంది. ఇటీవలే సినిమా లుక్‌లు, వీడియోలు బయటకు వచ్చాయి. సినిమాకు వచ్చిన హైప్‌ చూసో, లేక పాన్‌ ఇండియా స్థాయిలో రిలీజ్ చేస్తున్న కారణంతోనో నిర్మాత స్టార్‌ హీరోయిన్‌తో ఐటెమ్‌ సాంగ్‌ ఈ సినిమా ఉంటే బాగుండు అని ఫిక్స్‌ అయ్యారట. ఈ క్రమంలో తమన్నాను సంప్రదించారని టాక్‌. కిక్‌ ఇచ్చే ఐటెమ్‌ సాంగ్స్ చేయడంలో తమన్నా ఎప్పుడూ ముందే ఉంటుంది. ఈ క్రమంలోనే నాని సినిమాలో స్పెషల్‌ సాంగ్‌కి ఓకే చెప్పింది అంటున్నారు.
ఇటీవల ‘కొడ్తే..’ అంటూ ‘గని’లో స్పెషల్‌ సాంగ్‌ చేసింది తమన్నా. అంతకుమందు మహేష్‌బాబుతో ‘డాంగ్‌ డాంగ్‌..’ అంటూ ‘సరిలేరు నీకెవ్వరూ’లో ఆడిపాడింది. దానికి ముందు ‘కేజీయఫ్‌ 1’లో యశ్‌తో డ్యాన్స్‌ వేసింది. అలా వెనక్కి పోతే ‘జై లవకుశ’, ‘జాగ్వార్‌’, ‘స్పీడున్నోడు’, ‘అల్లుడు శీను’ ఇలా పెద్ద లిస్టే ఉంది. చూద్దాం ఈ మాస్‌ స్పెషల్‌ సాంగ్‌ ఎలా ఉంటుందో.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
