మన టాలీవుడ్ చిత్ర రంగంలో అనేక మార్పులు చోటుచేసుకుంటున్నాయి. అప్పట్లో సినిమాల్లో ఐటమ్ సాంగ్స్ అంటూ ప్రత్యేకంగా ఉండేవి. కానీ ఇప్పుడు ఆ సాంగ్స్ అయితే ఉన్నాయి కానీ, అవి చేసే వాళ్లే మారిపోయారు. ఎందుకంటే అప్పట్లో ఈ పాటలు చేసేందుకు అనేక మంచి ఐటమ్ సాంగ్ పాపలు ఉండేవారు. కానీ ఇప్పుడలా కాదు, టాలీవుడ్ టాప్ హీరోయిన్స్ అందరూ ఈ పాటల్లో నటిస్తూ దూసుకుపోతున్నారు.
ఇక ఐటమ్ పాటల కోసం నిర్మాతలు సైతం ప్రత్యేకంగా తల పట్టుకొని ఐటమ్ పాపల డేట్స్ కోసం ప్రత్యేకంగా పరిగెత్తి పట్టుకోవాల్సిన అవసరం లేదు. ఇంతకీ విషయం ఏమిటంటే…టాలీవుడ్ టాప్ హీరోయిన్ లో ఒకరైన తమన్నా…టాలీవుడ్ టాప్ సినిమాల్లో నటిస్తుంది. ఒక పక్క బాహుబలి లాంటి సూపర్ క్రేజ్ ఉన్న సినిమాలో నటిస్తూనే మరో పక్క ఐటమ్ సాంగ్స్ ఆఫర్స్ వస్తే గ్రీన్ సిగ్నల్ ఇచ్చేస్తుంది. అదే క్రమంలో టాలీవుడ్ మోస్ట్ ఎక్స్‌పెక్టెడ్ మూవీ ఎన్టీఆర్ జనతా గ్యారేజ్ లో ఒక ఓటెమ్ పాటకు ఈమెను సంప్రదించారంట చిత్ర యూనిట్. ఈ ఆఫర్ కి ఒకే చెప్పిన బ్యూటీ, దాదాపుగా 50లక్షలు డిమాండ్ చేసిందని సమాచారం.
ఆ లెక్క విని ఖంగుతిన్న చిత్ర యూనిట్ మొత్తానికి ఆమెను 42లక్షలకు ఒప్పించారని సమాచారం. ఇక సినిమా విడుదల దగ్గర పడటంతో ఈ పాటను ఒక్క రాత్రిలోనే పూర్తి చెయ్యాలని అనుకుంటున్నారు చిత్ర యూనిట్. అంటే మొత్తానికి ఎన్టీఆర్ తో సరసాలాటకు మన తమ్ము బేబీ రెడీ అన్న మాట…
