ఫామ్‌లో లేని క్రికెటర్‌, ఫేమ్‌ లేని యాక్టర్‌ పరిస్థితి ఒకటే అంటుంటారు సినీ పెద్దలు. వారి పాత్రలకు కత్తెర, అవసరమైతే మొత్తం పాత్రే లేపేసిన సందర్భాలు చాలానే ఉన్నాయి. ఇప్పుడు తమన్నా పరిస్థితి కూడా అలానే తయారైందా? అవుననే అంటున్నాయి టాలీవుడ్ వర్గాలు. సినిమాలు చేతిలో ఉన్నా.. ఎక్కడో ఏదో తేడా కొడుతుండటంతో తమన్నా సినిమాల్లో పాత్రల కత్తిరింపు మొదలైంది అని చెబుతున్నారు. దీనికి చిరంజీవి ‘భోళా శంకర్‌’ సినిమాను ఉదాహరణగా చెబుతున్నారు.
దీనికి కారణం ఆమెకు సరైన విజయం దక్కి చాలా రోజులు అవ్వడమే అంటున్నారు. అదేంటి ‘ఎఫ్‌ 3’ హిట్‌ కదా అంటారా? ఆ సినిమా విజయం ఆమెకు పెద్దగా ఉపయోగపడలేదు అని టాక్‌. అందుకే ‘ఎఫ్‌ 4’ స్టార్ట్‌ చేస్తే ఆమె అందులో ఉంటుంది అని చెప్పలేకపోతున్నారు. ఆ విషయం పక్కన పెడితే.. ఆమె నెక్స్ట్‌ చేస్తున్న సినిమా ‘భోళా శంకర్‌’లో ఆమె పాత్రకు చిన్నపాటి కత్తెర్లు పడుతున్నాయి అని చెబుతున్నారు. ఆ సినిమాలో చిరంజీవి సరసన తమన్నా నటిస్తోన్న విషయం తెలిసిందే.
‘భోళా శంకర్‌’ సినిమా అన్నా చెల్లెళ్ల అనుబంధం నేపథ్యంలో సాగుతుంది. ఇందులో మిగిలిన పాత్రలు చాలానే ఉన్నా.. చిరంజీవి, చెల్లెలుగా నటిస్తున్న కీర్తి సురేశ్‌ మధ్యే ఎక్కువ సన్నివేశాలు ఉంటాయట. అలా ఉండేలా చూసుకుంటున్నారట. ఈ క్రమంలోనే గతంలో తమన్నా మీద రాసుకున్న సన్నివేశాలను కొంత మేర వద్దనుకుంటున్నారట. ఇప్పుడు ఈ ఈ విషయం సోషల్‌ మీడియాలో వైరల్ అవుతోంది. ఇందులో నిజానిజాలు తెలియడం లేదు కానీ, పుకార్లు అయితే గట్టిగా ఉన్నాయి.
దీనికి ఇంకో కారణం కూడా ఉంది అని చెప్పొచ్చు. తమన్నా నుండి త్వరలో రాబోతున్న ‘గుర్తుందా శీతాకాలం’ సినిమానే. సత్యదేవ్‌తో కలసి చేసిన ఆ సినిమా విడుదల తేదీ దగ్గరపడుతున్నా ఎలాంటి బ‌జ్ లేదు. దీంతో తమన్నా మ్యాజిక్‌ తగ్గిపోయింది అని జోకులు వేసుకుంటున్నారు నెటిజన్లు. ‘భోళా శంకర్‌’ రూమర్లు ఎంత హార్స్‌గా ఉన్నాయంటే ఈ సినిమాలో తమన్నాను అతిథి పాత్రగా మార్చేస్తున్నారు అని అంటున్నారు. చూద్దాం చిత్రబృందం ఏమన్నా క్లారిటీ వస్తుందేమో.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
