అభిమానుల పనులు సినీ తారలకు కొన్ని సార్లు అనందం కలిగిస్తే మరి కొన్ని సార్లు చిరాకు తెప్పిస్తుంటాయి. హీరోయిన్లకైతే కొన్ని చేదు అనుభవాలు కూడా ఎదుర్కొంటుంటారు. అందుకే వారు ఎంత జాగ్రత్తగా వ్యవహరిస్తున్నా ఇబ్బందుల్లో పడుతుంటారు. ఇలాంటి పరిస్థితినే ఎదుర్కొంది అందాల నటి తాప్సి. టాలీవుడ్ లో మంచి హిట్ రాకపోవడంతో బాలీవుడ్ బాట పట్టిన ఈ భామ పింక్ సినిమాలో అమితాబ్ తో కలిసి నటించే అవకాశం దక్కించుకుంది.
ఈ చిత్రం విజయానందంలో తాప్సి తనకు చెమటలు పట్టించిన ఓ సైకో అభిమాని గురించి వెల్లడించింది. “నన్ను ఓ అభిమాని బాగా వేధించాడు. నా షూటింగ్ ఎక్కడున్నా అక్కడికి వచ్చేవాడు. షూటింగ్ స్పాట్ లో నాకు దగ్గర వచ్చి క్లోజ్ కావడానికి ప్రయత్నించేవాడు. ఆ సమయంలో నాకు భలే భయం వేసేది” అని తాప్సి తెలిపింది. అయితే అతను తనకు హాని చేసే కలిగించే విధంగా ప్రవర్తించలేదని, అందుకే పోలీసులకు కంప్లైంట్ చేయలేదని వివరించింది. “నేను ఎంతో మంది అభిమానులను చూసాను. ఇలాంటి ఫ్యాన్ ని ఇంతవరకు చూడలేదు. అసలు నా షూటింగ్ వివరాలు అతనికి ఎలా తెలుస్తుందో..” అని ఆశ్చర్యాన్ని వ్యక్తం చేసింది.
