అప్పటివరకూ ఓవర్ ఎక్స్ పోజింగ్ చేస్తూ వచ్చీరాని నటనతో కెమెరా ముందు నటించడానికి తాను ఇబ్బందిపడుతూ, కొన్ని సినిమాల్లో జనాల్ని కూడా ఇబ్బందిపెట్టిన తాప్సీ బాలీవుడ్ లో ఎప్పుడైతే “బేబీ” అనే సినిమాలో నటించే అవకాశం వచ్చిందో అప్పట్నుంచి నటిగా అప్గ్రేడ్ అయ్యింది. గ్లామర్ రోల్స్ చేస్తూనే పెర్ఫార్మెన్స్ బేస్డ్ క్యారెక్టర్స్ ప్లే చేస్తూ కథానాయికగా దూసుకెళుతోంది. గతేడాది కథానాయికగా “పింక్, నామ్ షబానా, ఆనందో బ్రహ్మ, జుడ్వా 2” చిత్రాలతో కమర్షియల్ హిట్స్ తోపాటు నటిగా ప్రశంసలు అందుకొన్న తాప్సీ ఈ ఏడాది కూడా ఆదేజోరుతో ముందుకు సాగేందుకు సన్నద్ధమైంది.
అందులో భాగంగానే ఓ హిందీ చిత్రంలో హాకీ ప్లేయర్ గా నటించనున్న తాప్సీ, మరో బాలీవుడ్ ప్రొజెక్ట్ కోసం షూటర్ అవతారం ఎత్తనుంది. 2018 ద్వితీయార్ధంలో మొదలవ్వనున్న ఈ చిత్రంలో తాప్సీ షూటర్ గా నటించడం కోసం పర్సనల్ ట్రయినింగ్ కూడా తీసుకొంటుందట. రెండు బాలీవుడ్ ప్రొజెక్ట్స్ తోపాటు ఒక తెలుగు సినిమాలోనూ నటిస్తున్న తాప్సీ దూకుడు చూస్తుంటే.. త్వరలో అగ్ర కథానాయికగా ఎదిగే లక్షణాలు పుష్కలంగా కనిపిస్తున్నాయి.
