పెళ్లి చూపులు.. అర్జున్ రెడ్డి.. ఒకటి సాఫ్ట్ ప్రేమకథ అయితే.. రెండోది బోల్డ్ ప్రేమకథ. ఈ కథల్లో విజయ్ దేవరకొండ చక్కగా నటించి విజయాలను సొంతం చేసుకున్నారు. ఈ సారి గేర్ మార్చారు. మళ్ళీ ప్రేమ కథ అంటే అభిమానులు బోర్ గా ఫీలవుతారేమోనని అనుకున్నారేమో కథని మార్చారు. థ్రిల్ చేయడానికి సిద్ధమవుతున్నారు. అదే టాక్సీవాలా. ప్రస్తుతం విజయ్ చేస్తున్న ఐదు సినిమాల్లో ముందు థియేటర్లోకి వస్తున్న చిత్రమిదే. ఈరోజే ఈ సినిమాకి సంబంధించిన ఫస్ట్ లుక్ రిలీజ్ అయి విశేషంగా ఆకట్టుకుంది. నూతన దర్శకుడు రాహుల్ సాంకృత్యాన్ డైరెక్టక్ చేసిన ఈ చిత్రంలో విజయ్ రోల్ ఏంటో టైటిల్ ల్లోనే అర్ధమయింది.
మరి కథ ఏంటని ఆరా తీస్తే అసలు విషయం తెలిసింది. ఈ చిత్రం సరికొత్త కాన్సెప్ట్ తో సైంటిఫిక్ థ్రిల్లర్ గా రూపొందుతోందని తెలిసింది. హారర్ థ్రిల్లర్ సినిమాలు ఈ మధ్య టాలీవుడ్ లో ఎక్కువగా విజయాన్ని అందుకున్నాయి. ఇప్పుడు ఈ సైంటిఫిక్ థ్రిల్లర్ కూడా అలరిస్తుందని సినీ విశ్లేషకులు భావిస్తున్నారు. గీతా ఆర్ట్స్ 2, యువీ క్రియేషన్స్ బ్యానర్లు సమర్పిస్తున్న ఈ చిత్రాన్ని ఎస్కెఎన్ నిర్మిస్తున్నారు. మాళవిక శర్మ, ప్రియాంక జావల్కర్ లు హీరోయిన్లుగా నటిస్తున్న ఈ సినిమా మే 18న విడుదలకానుంది.
