సూపర్ స్టార్ మహేష్ బాబు నటించిన ‘సర్కారు వారి పాట’ టీజర్ కోసం అభిమానులు చాలా రోజులుగా ఎదురుచూస్తున్నారు. ఈ నెల 31న కృష్ణ పుట్టినరోజు సందర్భంగా టీజర్ వదులుతారని అభిమానులు ఆశిస్తున్నారు. దర్శకుడు పరశురామ్ టీమ్ కూడా ఇదే పనిలో ఉంది. మహేష్ అభిమానులను ఖుషీ చేయడానికి టీజర్ ని రిలీజ్ చేయాలని భావిస్తోంది. అయితే ఇప్పుడు టీజర్ ని కట్ చేయడానికి కావాల్సినంత ఫుటేజీ అందుబాటులో లేదని సమాచారం.
‘సర్కారు వారి పాట’ సినిమాకి సంబంధించిన కీలకమైన షెడ్యూల్ దుబాయ్ లో జరిగింది. దాంతో 15 నిమిషాలకు సరిపడేంత ఫుటేజీ తెరకెక్కించారు. అది తప్ప ‘సర్కారు వారి పాట’ టీమ్ దగ్గర టీజర్ కి తగ్గ ఫుటేజీ లేదని తెలుస్తోంది. అందుకే 30 సెకన్ల గ్లింప్స్‌ ని కట్ చేసి.. అందులో ఓ డైలాగ్ ని మిక్స్ చేసి రిలీజ్ చేయాలని భావిస్తున్నారు. దానికి కూడా మహేష్ అంగీకారం కావాలి.
ఆ ముప్పై సెకన్ల గ్లింప్స్‌ లో కిక్ లేదనుకుంటే ఆ టీజర్ కూడా బయటకు వచ్చే ఛాన్స్ లేదట. ఒక పోస్టర్ రిలీజ్ చేసి ఊరుకుంటారట. ప్రస్తుతానికైతే.. ముప్పై సెకన్ల టీజర్ కట్ చేస్తున్నారు. దానికి మహేష్ గ్రీన్ సిగ్నల్ ఇస్తే టీజర్ బయటకి రావడం ఖాయం. కీర్తి సురేష్ హీరోయిన్ గా నటిస్తోన్న ఈ సినిమా షూటింగ్ ప్రస్తుతం వాయిదా పడింది. అన్ని పనులు అనుకున్నట్లుగా పూర్తయితే వచ్చే ఏడాది సంక్రాంతికి ఈ సినిమాను రిలీజ్ చేయడానికి ప్లాన్ చేస్తున్నారు!
Most Recommended Video
10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!
