ప్రస్తుతం మన దేశంలో పరిస్థితులు ఎంత దారుణంగా ఉన్నాయో ప్రత్యేకంగా చెప్పనక్కర్లేదు. ముందు కరోనా వైరస్ ఇప్పుడు బ్లాక్ ఫంగస్, వైట్ ఫంగస్ లతో జనాలు అల్లాడిపోతున్నారు. ఎక్కడ చూసినా చావు వార్తలే కనిపిస్తున్నాయి. సరైన సమయానికి వైద్యం అందక ఆక్సిజన్ కొరత, ఐసీయూలో బెడ్స్ దొరకక ఎంతోమంది ప్రాణాలు కోల్పోతున్నారు. రోజుకు లక్షల్లో కేసులు నమోదవుతున్నాయి. ఇలాంటి పరిస్థితుల్లో కొందరు సెలబ్రిటీలు తమకు చేతనైన సాయాన్ని చేస్తున్నారు. ప్రత్యక్షంగానో, పరోక్షంగానో తమకు వీలైనంత సాయం అందిస్తున్నారు.
ఇలాంటి భయంకరమైన పరిస్థితుల నుండి కాస్త రిలాక్స్ అవ్వడానికి సునీత లాంటి వాళ్లు పాటలతో అందరినీ అలరిస్తున్నారు. అలానే సింగర్ కౌసల్య కూడా ప్రజలను ఎంటర్టైన్ చేయడానికి పలు వీడియోలను రిలీజ్ చేస్తుంది. తాజాగా ఆమె ఓ వీడియోను షేర్ చేసింది. ఓ పాటను పాడి, దాన్ని ఎడిట్ చేసి మరీ ఫేస్ బుక్, ఇన్స్టాగ్రామ్ లో షేర్ చేసింది. ఈ వీడియోపై కొన్ని నెగెటివ్ కామెంట్స్ వచ్చాయి. వాటిపై కౌసల్య అసహనం వ్యక్తం చేసింది.
ఆ వీడియోపై ఓ నెటిజన్ కామెంట్ చేస్తూ.. బాగుంది కానీ ఇది ఎంటర్టైన్మెంట్ ఇచ్చే టైమ్ కాదు.. రోజుకి ఎంతమంది చనిపోతున్నారో తెలుసా..? కానీ మనం ఏం చేయలేకపోతున్నాం.. కనీసం ఇలాంటి సమయంలో మన సంతోషాన్ని ఎదుటివారికి చూపించకుండా ఉండాలని అన్నాడు. దానికి రియాక్ట్ అయిన కౌసల్య.. ”ఇలాంటి కష్టమొచ్చింది కదా అని నాకు తెలిసి మీరు తినడమైతే మానేయలేదు.. మాలాంటి వారికి సంగీతమే అన్నం పెడుతుంది” అని అన్నారు.
Most Recommended Video
10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!
