టాలీవుడ్‌లో కొంద‌రు హీరోలు, హీరోయిన్లు మ‌రీ క‌మ‌ర్షియ‌ల్ అయిపోయారు. ఏ ప‌ని చేయాల‌న్నా వాళ్ల‌కు డ‌బ్బే ముఖ్యం అన్న‌ట్టుగా వ్య‌వ‌హ‌రిస్తున్నారు. సినిమా వాళ్లు ఎవ‌రైనా ఇబ్బందుల్లో ఉంటే క‌నీసం ఆదుకునేందుకు కూడా వారు ఇష్ట‌ప‌డ‌రు. ఇక హీరోయిన్లు బ‌య‌ట షాపుల ఓపెనింగ్‌ల‌కు, ఇత‌ర ఫంక్ష‌న్ల‌లో జ‌స్ట్ అలా క‌నిపించి రెండు చేతులూపుతూ హాయ్ చెప్పేందుకు కూడా ల‌క్ష‌ల్లోనే అమౌంట్ వ‌సూలు చేస్తున్నారు. చివ‌ర‌కు అమెరికాలో తెలుగు వాళ్లు ఎంతో గొప్ప‌గా జ‌రుపుకునే తానా స‌భ‌ల‌కు జ‌స్ట్ వెళ్లి ఒకే ఒక రోజు కొద్ది నిమిషాల పాటు స్టేజ్‌మీద ఉండేందుకు కూడా హీరోలు, హీరోయిన్లు అది కూడా మిడిల్ రేంజ్ వాళ్లు కోట్ల‌లో డిమాండ్ చేస్తోన్న దౌర్భాగ్య ప‌రిస్థితి ఉంది.
తానా వాళ్లు, ఇత‌ర తెలుగు సంస్థ‌ల వాళ్లు గ‌త కొన్నేళ్లుగా ఏపీకి చెందిన సినీ క‌ళాకారుల‌ను, మ్యూజిక్ డైరెక్ట‌ర్లు, సింగ‌ర్ల‌ను తీసుకువెళ్లి అక్కడ ప్రోగ్రామ్స్ నిర్వ‌హిస్తూ ఉంటారు. అయితే ఈ సారి ఓ మిడిల్ రేంజ్ హీరోకు ఓ పాన్ ఇండియా హిట్ వ‌చ్చింది. ఆ హీరోతో పాటు ఆ సినిమాలో అత‌డికి జోడీగా న‌టించిన హీరోయిన్‌ను అమెరికాలో తెలుగు స‌భ‌ల‌కు రావాల‌ని ఆహ్వానించార‌ట. అది కూడా ఒక్క రోజు.. కొద్ది గంట‌ల పాటు మాత్ర‌మే వాళ్లు ఆ స‌భ‌ల్లో పాల్గొంటారు.
ఇందుకోసం ఆ హీరో, హీరోయిన్ క‌లిసి ఏకంగా మూడున్న‌ర కోట్లు డిమాండ్ చేశార‌ట. దీంతో అవాక్క‌వ్వ‌డం అక్కడ ప్ర‌తినిధుల వంతు అయ్యింద‌ట. పైగా వీళ్ల‌కు మూడున్న‌ర కోట్ల‌తో పాటు నాలుగు ఫస్ట్ క్లాస్ టికెట్స్, ఎనిమిది బిజినెస్ క్లాస్ టికెట్స్ కూడా ఇవ్వాలి. మొత్తం క‌లిపి నాలుగున్న‌ర కోట్లు అవుతోంది. ఇదంతా కేవ‌లం మూడు రోజుల వేడుక‌లో..
అది కూడా ఒక రోజు గంట లేదా రెండు గంట‌ల టైం అక్కడ స్పెండ్ చేయ‌డంత పాటు ఓ రోజు వేదిక ఎక్కి మాట్లాడేందుకు మాత్ర‌మే..! దీంతో మాకు వ‌ద్దులే బాబు అని దండం పెట్టేశార‌ట వాళ్లు. మిడిల్ రేంజ్ టైర్ 2 హీరో ఈ రేంజ్‌లో డిమాండ్ చేశార‌న్న వార్త‌ల‌తో టాలీవుడ్ మొత్తం షేక్ అయిపోతోంది. అస‌లు ఈ హీరోలు, హీరోయిన్ల‌కు ఇంత డ‌బ్బు పిచ్చేంట్రా బాబు… రాక‌రాక ఒక్క హిట్ వ‌స్తే వీళ్లు ఆకాశంలోనే తేలుతున్నార‌న్న విమ‌ర్శ‌లు వినిపిస్తున్నాయి.
ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!
టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు
