కోవిడ్ టైంలో వచ్చిన నందమూరి బాలకృష్ణ (Nandamuri Balakrishna) ‘అఖండ’ (Akhanda) చిత్రం ఘన విజయం సాధించింది. దీనికి ముందు బాలయ్య ప్లాపుల్లో ఉన్నారు. ‘ఎన్టీఆర్ కథానాయకుడు’ ‘ఎన్టీఆర్ మహానాయకుడు’ ‘రూలర్’ వంటి సినిమాలు బాలకృష్ణని మళ్ళీ రేసులో వెనక్కి నెట్టాయి. దీంతో మళ్ళీ బోయపాటిని (Boyapati Srinu) రంగంలోకి దింపాడు. ‘సింహా’ (Simha) లెజెండ్’ (Legend) తర్వాత వీరి కలయికలో హ్యాట్రిక్ మూవీగా ‘అఖండ’ వచ్చింది. మాస్ సినిమాకి మైథలాజికల్ టచ్ ఇచ్చి బోయపాటి రూపొందించిన కమర్షియల్ డ్రామా ఇది.
అది ప్రేక్షకులను విశేషంగా ఆకట్టుకుంది. దానికి సీక్వెల్ కూడా ఉంటుందని క్లైమాక్స్ లో హింట్ ఇచ్చారు. మొత్తానికి సీక్వెల్ గా ‘అఖండ 2′(అఖండ తాండవం) (Akhanda2) రాబోతోంది.సెప్టెంబర్ 25న ఈ సినిమా రిలీజ్ కానుంది. ఇదిలా ఉండగా.. ఈ సినిమా కథ అల్లు అర్జున్ (Allu Arjun) ప్లాప్ సినిమాకు దగ్గర పోలికలు ఉంటాయనేది ఇన్సైడ్ టాక్. అందుతున్న సమాచారం ప్రకారం..
‘అఖండ 2’ కథ.. అల్లు అర్జున్ నటించిన ‘బద్రీనాథ్’ కి (Badrinath) సిమిలర్ గా ఉంటుందట. వి.వి.వినాయక్ (V. V. Vinayak) దర్శకత్వంలో అల్లు అర్జున్ నటించిన ‘బద్రీనాథ్’ సినిమా పెద్ద ప్లాప్ అయ్యింది. చిన్ని కృష్ణ (Chinni Krishna) ఈ చిత్రానికి కథ అందించడం జరిగింది. ఆ సినిమాలో దేవాలయాలకు రక్షకుడిగా అల్లు అర్జున్ కనిపిస్తాడు. ‘అఖండ 2’ లో బాలకృష్ణ పోషిస్తున్న అఘోర పాత్ర.. కూడా ఆల్మోస్ట్ అలానే ఉంటుందట.
అలాగే టెర్రరిస్టులు దేవాలయాల్లో దాడులు చేయడం.. అమాయకుల ప్రాణాలు తీయడం వంటి సన్నివేశాలు ‘బద్రీనాథ్’ లో ఉన్నాయి. ‘అఖండ 2’ (Akhanda 2) లో కూడా అలాంటి సన్నివేశాలు ఉన్నాయట. అయితే దర్శకుడు బోయపాటి శ్రీను.. బాలయ్య మాస్ అభిమానులను దృష్టిలో పెట్టుకుని చాలా ఎలివేషన్స్ పెట్టారని అంటున్నారు. మరి ఈ సినిమా ఎలాంటి ఫలితాన్ని అందుకుంటుందో చూడాలి.
