“పుష్ప, యానిమల్, ఛావా” వంటి బ్లాక్ బస్టర్ సినిమాలతో మోస్ట్ క్రేజీయస్ట్ హీరోయిన్ గా మారిపోయింది రష్మిక మందన్న. ఆల్మోస్ట్ ప్రతి సినిమా 1000 కోట్ల కలెక్ట్ చేసి ఆమెను స్టార్ హీరోయిన్ గా మార్చేసింది. అయితే.. అన్ని సినిమాల్లోనూ ఆమె భార్య పాత్ర పోషించడం విశేషం. ఈ రికార్డ్ మరే ఇతర హీరోయిన్ కీ లేదని చెప్పడంలో ఎలాంటి అతిశయోక్తి లేదు. అయితే.. అనంతరం వచ్చిన “సికందర్” రష్మిక సక్సెస్ స్ట్రిక్ కి బ్రేక్ వేసింది.
కానీ.. రష్మిక నటించిన తాజా చిత్రం “కుబేరా” మీద మాత్రం అందరికీ చాలా మంచి అంచనాలున్నాయి. కుబేరా ముంబై ప్రమోషనల్ ఈవెంట్ లో రష్మికను పొగడ్తలతో ముంచెత్తాడు నాగార్జున. “గత మూడేళ్లలో మా స్టార్ హీరోల్లో ఎవరూ 2000, 3000 కోట్లు గడించలేదు. కానీ రష్మిక ఆ అరుదైన రికార్డ్ ను దక్కించుకుంది” అంటూ నాగార్జున ఇచ్చిన ఎలివేషన్ కి రష్మిక స్టేజ్ మీద ఉబ్బితబ్బిబ్బయింది.
దాంతో సోషల్ మీడియా మొత్తం రష్మికను భీభత్సంగా ఎలివేట్ చేస్తూనే.. స్టార్ హీరో అయ్యుండి, తన తోటి హీరోయిన్ ను ఈస్థాయిలో పబ్లిక్ ఈవెంట్ లో పొగిడిన నాగార్జున వ్యక్తిత్వాన్ని కూడా అందరూ మెచ్చుకుంటున్నారు. ఇకపోతే.. జూన్ 20న తెలుగు, తమిళ, హిందీ, మలయాళ భాషల్లో విడుదలవుతున్న “కుబేరా” సెన్సార్ అయిపోయినప్పటికీ, ఫైనల్ అవుట్ పుట్ ఇంకా రెడీ అవ్వలేదు. ముఖ్యంగా సౌండ్ మిక్సింగ్ ఇంకా పెండింగ్ ఉంది.
ఒక పక్క నటీనటులందరూ సినిమాని ప్రమోట్ చేస్తుండగా.. శేఖర్ కమ్ముల మాత్రం ఫైనల్ అవుట్ పుట్ మీద దృష్టిసారిస్తున్నాడు. గత కొన్ని నెలలుగా సరైన హిట్ లేక ఢీలాపడిన బాక్సాఫీస్ కూడా “కుబేరా” కోసం ఆత్రంగా ఎదురుచూస్తుంది. మంచి క్యాస్టింగ్ తోపాటు టెక్నికల్ గానూ హాయ్ స్టాండర్డ్స్ తో తెరకెక్కిన ఈ చిత్రం కోసం ప్రేక్షకులు కూడా ఎదురుచూస్తున్నారు.
రష్మిక మమ్మల్ని అందర్నీ బీట్ చేసింది
తను 3000 కోట్ల హీరోయిన్#PippiPippiDumDumDum #Kuberaa #Dhanush #Nagarjuna #Rashmika pic.twitter.com/rYwPKcv8v9— Filmy Focus (@FilmyFocus) June 10, 2025
