టాలీవుడ్ ఇండస్ట్రీలో ప్రస్తుతం ఎక్కువ సంఖ్యలో పాన్ ఇండియా సినిమాలు తెరకెక్కుతున్నాయి. ఈ సినిమాలలో చాలా సినిమాలు బాక్సాఫీస్ వద్ద చెప్పుకోదగ్గ స్థాయిలో హిట్ గా నిలుస్తున్నాయి. అయితే పరిమిత సంఖ్యలో సినిమాలు మాత్రమే బాక్సాఫీస్ వద్ద 1000 కోట్ల రూపాయల మార్క్ ను క్రాస్ చేస్తున్నాయి. 1500 కోట్ల రూపాయల కలెక్షన్ల మార్క్ ను క్రాస్ చేయడం ఏ సినిమాకు సాధ్యం కావడం లేదు. ప్రభాస్ (Prabhas) జక్కన్న (Rajamouli) కాంబో మూవీ రికార్డ్స్ ఇప్పట్లో బ్రేక్ కావడం సులువు కాదా అనే చర్చ సోషల్ మీడియా వేదికగా జరుగుతోంది.
బాహుబలి2 (Baahubali 2) మూవీ అప్పట్లో 1800 కోట్ల రూపాయల కలెక్షన్లను సొంతం చేసుకోగా ఈ రికార్డ్ ఇప్పట్లో బ్రేక్ అయ్యే అవకాశాలు అయితే కనిపించడం లేదు. అయితే బాహుబలి2 సినిమా రిలీజ్ సమయంలో అన్ని అంశాలు ఈ సినిమాకు కలిసొచ్చాయని చెప్పవచ్చు. థియేటర్లలో చాలా సంవత్సరాల నుంచి సినిమా చూడని ప్రేక్షకులు సైతం బాహుబలి2 సినిమాను థియేటర్లలో చూడటానికి ఆసక్తి చూపారు.
ఈ సినిమా రిలీజ్ సమయానికి ఓటీటీల హవా కూడా లేకపోవడంతో ప్రేక్షకులకు ఈ సినిమాను థియేటర్లలో చూడటమే బెస్ట్ ఆప్షన్ గా నిలిచింది. బాహుబలి2 సినిమా రికార్డులు బ్రేక్ కావాలంటే మరో రెండు మూడేళ్లు ఆగాల్సిందేనని చెప్పవచ్చు. ఓవర్సీస్ లో బాహుబలి2 సినిమా కూడా రికార్డ్ స్థాయిలో కలెక్షన్లను సొంతం చేసుకోవడం జరిగింది. ఆ రికార్డ్ కూడా ఇప్పట్లో బ్రేక్ అయ్యే అవకాశాలు అయితే లేవని కామెంట్లు వినిపిస్తున్నాయి.
బాహుబలి2 సినిమా ప్రభాస్ కెరీర్ లో స్పెషల్ సినిమాగా నిలిచిందని చెప్పవచ్చు. ప్రస్తుతం టాలీవుడ్ లో తెరకెక్కుతున్న ప్రతి పాన్ ఇండియా సినిమాపై అంచనాలు అంతకంతకూ పెరుగుతున్నాయి. ప్రభాస్ తను సాధించిన రికార్డులను తనే బ్రేక్ చేయాలని ఫ్యాన్స్ ఫీలవుతున్నారు. బ్యాక్ టు బ్యాక్ సినిమాలతో ప్రభాస్ బాక్సాఫీస్ వద్ద తన మార్కు ను క్రియేట్ చేస్తున్నారు.
