స్టార్ హీరో ప్రభాస్ ప్రస్తుతం వరుసగా సినిమాల షూటింగ్ లతో బిజీగా ఉన్నారనే సంగతి తెలిసిందే. సలార్, ప్రాజెక్ట్ కే సినిమాలతో పాటు ప్రభాస్ మారుతి డైరెక్షన్ లో ఒక సినిమాలో నటిస్తుండగా ఈ మూడు సినిమాల షూటింగ్ లు ఒకే సమయంలో జరుగుతున్నాయి. అయితే ప్రభాస్ ఇంత బిజీగా ఉన్నా తాజాగా ప్రసాద్ ల్యాబ్స్ లో కాంతార సినిమాను చూశారు. నిన్న సాయంత్రం ప్రసాద్ ల్యాబ్స్ లో ప్రభాస్ కాంతార స్పెషల్ షో వేయించుకోవడం హాట్ టాపిక్ అయింది.
అయితే కాంతార మూవీని ప్రభాస్ చూడటానికి అసలు రీజన్ ఏమిటనే ప్రశ్నకు ఆసక్తికర సమాధానం వినిపిస్తోంది. ప్రభాస్ హీరోగా తెరకెక్కుతున్న సలార్ సినిమాను నిర్మిస్తున్న నిర్మాతలే ఈ సినిమాను కూడా నిర్మించారు. ప్రభాస్ కాంతార సినిమాను చూడటానికి నిర్మాతలే కారణమని సమాచారం. రేపు తెలుగు రాష్ట్రాల్లోని థియేటర్లలో విడుదలవుతున్న కాంతార మూవీ గీతా ఆర్ట్స్ బ్యానర్ ద్వారా రిలీజవుతోంది. రెండు తెలుగు రాష్ట్రాల్లో ఈ సినిమా రికార్డ్ స్థాయి స్క్రీన్లలో రిలీజ్ కానుంది.
కన్నడలో హిట్ గా నిలిచిన ఈ సినిమా తెలుగులో సులువుగానే బ్రేక్ ఈవెన్ అవుతుందని మేకర్స్ భావిస్తున్నారు. ప్రభాస్ తో పాటు ప్రశాంత్ నీల్ కూడా ఈ సినిమాను ప్రసాద్ ల్యాబ్స్ లో చూశారని సమాచారం అందుతోంది. కాంతార కాకుండా ఈ వారం ఎక్కువ సంఖ్యలో చిన్న సినిమాలు విడుదలవుతున్నా ఆ సినిమాలపై ప్రేక్షకుల్లో ఎక్కువగా ఆసక్తి లేదు.
ప్రభాస్ కాంతార మూవీ గురించి ఇన్ స్టాగ్రామ్ వేదికగా స్పందించడం ఈ సినిమాకు ఒక విధంగా ప్లస్ అయింది. మరోవైపు ప్రభాస్ నటించిన ఆదిపురుష్ మూవీ జనవరి 12వ తేదీన థియేటర్లలో రిలీజ్ కానుంది. 2023 సంక్రాంతి కానుకగా రిలీజ్ కానున్న ఈ సినిమాపై ప్రస్తుతం ప్రేక్షకుల్లో నెగిటివ్ ఒపీనియన్ ఉంది. ఆదిపురుష్ మూవీ రిలీజ్ సమయానికి ప్రేక్షకుల్లో ఈ ఒపీనియన్ మారుతుందేమో చూడాల్సి ఉంది.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
