దర్శకధీరుడు రాజమౌళి డైరెక్షన్ లో జూనియర్ ఎన్టీఆర్, రామ్ చరణ్ హీరోలుగా తెరకెక్కుతున్న ఆర్ఆర్ఆర్ రిలీజ్ డేట్ కు సంబంధించి కన్ఫ్యూజన్ నెలకొంది. ఇప్పటివరకు ఆర్ఆర్ఆర్ సినిమాకు ప్రకటించిన ప్రతి డేట్ మారిందనే సంగతి తెలిసిందే. 2022 సంవత్సరం జనవరి 7వ తేదీ ఆర్ఆర్ఆర్ కొత్త డేట్ కాగా ఆ తేదీకి అయినా ఈ సినిమా వస్తుందా? అనే ప్రశ్నకు కచ్చితంగా చెప్పలేమని జవాబు వినిపిస్తూ ఉండటం గమనార్హం. జక్కన్న సినిమా పర్ఫెక్ట్ గా వచ్చే వరకు మూవీని రిలీజ్ చేయడానికి సిద్ధపడరు.
ఆర్ఆర్ఆర్ పోస్ట్ ప్రొడక్షన్ పనులు ఈ నెలాఖరు నాటికి పూర్తవుతాయని వార్తలు వచ్చినా యూనిట్ వర్గాల నుంచి పోస్ట్ ప్రొడక్షన్ పనులు మరింత ఆలస్యం కావచ్చనే సమాధానం వినిపిస్తోంది. మరోవైపు ఆర్ఆర్ఆర్ సంక్రాంతికి రిలీజవుతున్నా భీమ్లా నాయక్ మేకర్స్ సైతం సంక్రాంతికే తమ సినిమాను రిలీజ్ చేస్తామని చెబుతున్న సంగతి తెలిసిందే. ఆర్ఆర్ఆర్ సంక్రాంతికి పక్కాగా వస్తుందని గ్యారంటీ ఇస్తే మాత్రమే సినిమాను పోస్ట్ పోన్ చేస్తామని లేకపోతే విడుదల చేస్తామని భీమ్లా నాయక్ మేకర్స్ చెబుతున్నారు.
ఆర్ఆర్ఆర్ జనవరి 7వ తేదీన రిలీజైతే భీమ్లా నాయక్ ఫిబ్రవరి 24వ తేదీన రిలీజయ్యే ఛాన్స్ ఉందని తెలుస్తోంది. మరి రాజమౌళి సినిమాను కచ్చితంగా రిలీజ్ చేస్తానని గ్యారంటీ ఇస్తారేమో చూడాల్సి ఉంది. భారీ బడ్జెట్ తో తెరకెక్కిన ఆర్ఆర్ఆర్ రిలీజ్ కోసం ఇండస్ట్రీ వర్గాలతో పాటు ప్రేక్షకులు సైతం ఆసక్తిగా ఎదురుచూస్తున్నారు.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
