వరుణ్ తేజ్ లావణ్య త్రిపాఠి టాలీవుడ్ ఇండస్ట్రీలో క్యూట్ కపుల్ గా పేరు తెచ్చుకున్నారు. నిన్న వరుణ్ తేజ్ పుట్టినరోజు కాగా వరుణ్ పుట్టినరోజు సందర్భంగా విడుదలైన మట్కా గ్లింప్స్ కు ప్రేక్షకుల నుంచి మంచి రెస్పాన్స్ వచ్చింది. పెళ్లి తర్వాత వరుణ్ పుట్టినరోజు కావడంతో లావణ్య త్రిపాఠి పుట్టినరోజు శుభాకాంక్షలు తెలుపుతూ చేసిన కామెంట్లు నెట్టింట తెగ వైరల్ అవుతున్నాయి. వరుణ్ లో నచ్చిన లక్షణాల గురించి చెబుతూ లావణ్య పోస్ట్ చేశారు.
లావణ్య తన పోస్ట్ లో వరుణ్ కు పుట్టినరోజు శుభాకాంక్షలు తెలియజేయడంతో పాటు నేను కలిసిన వ్యక్తులలో వరుణ్ తేజ్ అత్యంత అద్భుతమైన వ్యక్తి అని కామెంట్లు చేశారు. ఇతరులను ప్రేమించే గుణం, ఇతరుల విషయంలో వరుణ్ చూపించే శ్రద్ధ స్పూర్తిదాయకమని ఆమె అన్నారు. వరుణ్ తేజ్ లోని ఈ లక్షణాలే తనకు ఎంతో నచ్చాయని లావణ్య త్రిపాఠి కామెంట్లు చేశారు.
వరుణ్ తేజ్ తో కలిసి దిగిన స్పెషల్ ఫోటోలను లావణ్య త్రిపాఠి సోషల్ మీడియా వేదికగా షేర్ చేయగా ఆ ఫోటోలు నెట్టింట తెగ వైరల్ అవుతున్నాయి. వరుణ్ తేజ్, లావణ్య త్రిపాఠి కలకాలం అన్యోన్యంగా, మరింత సంతోషంగా జీవనం సాగించాలని అభిమానులు కామెంట్లు చేస్తున్నారు. వరుణ్, లావణ్య కాంబోలో మరిన్ని సినిమాలు రావాలని ఆ సినిమాలు సక్సెస్ సాధించాలని ఫ్యాన్స్ నుంచి అభిప్రాయాలు వ్యక్తమవుతున్నాయి.
వరుణ్ తేజ్ (Varun Tej) నటించిన ఆపరేషన్ వాలంటైన్ మూవీ వచ్చే నెల 16వ తేదీన థియేటర్లలో రిలీజ్ కానుంది. ఈ సినిమాపై అంచనాలు అంతకంతకూ పెరుగుతుండగా ఆపరేషన్ వాలంటైన్ తో వరుణ్ తేజ్ ఎలాంటి ఫలితాన్ని అందుకుంటారో చూడాల్సి ఉంది. తన సినీ కెరీర్ లో వరుణ్ తేజ్ ఎక్కువగా ప్రయోగాత్మక కథలలో నటించారు. ఎఫ్2, ఎఫ్3 సినిమాలతో సక్సెస్ అందుకున్న వరుణ్ తర్వాత ప్రాజెక్ట్ లతో ఆ సినిమాలను మించిన విజయాన్ని అందుకుంటారేమో చూడాలి.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
