BB3 అంటూ ఘనంగా ప్రారంభించి, షూటింగ్‌ మొదలు పెట్టారు. అంతేనా ‘రోర్‌’ అంటూ ఓ చిన్న వీడియోను రిలీజ్‌ చేసి అంచనాలు పెంచేశారు. ‘BB హ్యాట్రిక్‌ పక్కా’ అంటూ ట్వటర్‌ అభిమానులు హ్యాష్‌ట్యాగ్‌లు ట్రెండింగ్‌ చేసేశారు. ఈ లోగా కరోనా వచ్చింది. సినిమా విడుదల ఆగిపోయింది. పరిస్థితులు కుదుటపడి, అన్ని సినిమాలు మొదలైనా ఈ సినిమా మొత్తం ఇంకా పట్టాలెక్కలేదు. ‘రేపు మాపు’ అని ప్రకటనలు కూడా ఏమీ లేవు. ఇటీవల అయితే మే 28న సినిమా విడుదల చేసేస్తాం అని డేట్‌ కూడా చెప్పేశారు. షూటింగ్‌ కూడా మొదలైందని తెలుస్తోంది.
అయితే ఇప్పుడు ఇంకో వార్త బయటికొచ్చింది. ఈ సినిమాలో మాస్‌ ఎలిమెంట్స్‌ పెంచడానికి ఇంకో హీరోయిన్‌ను పెట్టాలన చిత్రబృందం భావిస్తోందట. ఇప్పటికే ఇద్దరు హీరోయిన్లను సినిమా కోసం ఎంచుకున్నారు. ఇప్పుడు మూడో హీరోయిన్‌ వస్తోందన్నమాట. ఇన్నాళ్లూ స్తబ్దుగా ఉన్న సినిమా పనులు రిలీజ్‌ డేట్‌ ప్రకటించడంతో ఊపందుకున్నాయట. విడుదలకు గట్టిగా మూడు నెలలే ఉండటంతో దర్శకుడు జోరు పెంచారట. ఈ క్రమంలో సినిమాలోకి మూడో హీరోయిన్‌ను కూడా తీసుకుంటున్నారట. సినిమాలో మాస్‌ ఎలిమెంట్స్‌ ఇంకా పెంచితే బాగుంటుందనే ఆలోచన రావడంతో మూడో హీరోయిన్‌ ఆలోచన వచ్చిందట.
అయితే ఇప్పటివరకు ఎంచుకున్న హీరోయిన్ల విషయంలోనే పెద్ద సెర్చ్‌ జరిగింది. వాళ్లు, వీళ్లు అనుకొని ఆఖరుకు ప్రగ్యా జైస్వాల్‌, పూర్ణను ఎంపిక చేశారు. ఇప్పుడు మూడో హీరోయిన్‌ కోసం ఇంకెంత సెర్చ్‌ జరుగుతుందో చూడాలి. ఇదిలా ఉండగా ఈ సినిమాలో ఐటెమ్‌ సాంగ్‌లో మరో స్టార్‌ హీరోయిన్‌ను పెడతారని వార్తలు వచ్చాయి.
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
