పోలీసులను ఆశ్రయించిన ఇళయ రాజా.. కారణం అదే..!

తెలుగు, తమిళ భాషల్లో ఎన్నో సినిమాలకు సంగీత దర్శకుడిగా పనిచేశారు ఇళయరాజా. ఈయన ఎన్నో చార్ట్ బస్టర్స్ ను కూడా ఇచ్చారు. చాలా మంది ‘మనసు బాగోలేనప్పుడు ఇళయరాజా గారి పాటలు వింటే.. నార్మల్ అయిపోతామని , అలాగే నైట్ పడుకునే ముందు ఇళయరాజా గారి పాటలు వింటే ప్రశాంతంగా నిద్రపోవచ్చని’ చెబుతుంటారు. అలాంటి మంచి పేరు సంపాదించుకున్న సంగీత దర్శకుడికి ఇప్పుడు బెదిరింపులు సంభవించడంతో.. పోలీసులను ఆశ్రయించారట. ఇప్పుడు ఈ వార్త తెగ హల్ చల్ చేస్తోంది.

వివరాల్లోకి వెళితే.. గతంలో ఎల్.వి. ప్రసాద్ గారు సంగీత దర్శకుడు ఇళయరాజా పై ఉన్న గౌర‌వం, అభిమానంతో ఆయనకి .. చెన్నై లో ఉన్న ‘ఎల్.వి.ప్రసాద్ స్టూడియో’ లో ఓ ప్ర‌త్యేక‌మైన గ‌దిని కానుక‌గా ఇచ్చారట. గత 40 ఏళ్ళుగా ఈ రికార్డింగ్ స్టూడియోలోనే ఇళ‌య‌రాజా గారు అతని కార్యకలాపాలను జరుపుకుంటూ వస్తున్నారు. ఎల్‌.వి.ప్ర‌సాద్ గారి తరువాత ఆయన కొడుకు ర‌మేశ్ ప్ర‌సాద్ కూడా ఇళయరాజ గారికి ఎటువంటి అభ్యంతరాలు తెలుపలేదట.

అయితే ఎల్‌.వి.ప్ర‌సాద్ గారి మన‌వ‌డు సాయిప్ర‌సాద్ మాత్రం ఇప్పుడు ఇళయరాజా గారికి అడ్డు చెబుతున్నాడని తెలుస్తుంది. అంతేకాదు ఇళయరాజా గారిని స్టూడియో ఖాళీ చెయ్యాలని కూడా ఒత్తిడి చేస్తున్నాడట. ఈ విషయం పై సాయిప్రసాద్, ఇళయరాజ ల మధ్య వివాదం జరుగుతున్నట్టు తెలుస్తుంది. ఈ నేపథ్యంలో ఇళ‌య‌రాజా గారు పోలీసులను అశ్రయించినట్టు సమాచారం. ‘సాయి ప్ర‌సాద్ నన్ను బెదిరిస్తున్నాడు అంటూ’ ‌ఇళయరాజా గారు పోలీసుల‌కు కంప్లైంట్ చేశారట. ‘అతని నుండీ తనకు అలాగే తన స్టూడియోకి రక్షణ కల్పించాలని.. తనకు న్యాయం జరిగేలా చెయ్యమని’ ఇళయరాజా గారు ఆ కంప్లైంట్ లో పేర్కొన్నట్టు తెలుస్తుంది.

Most Recommended Video

పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?

Read Today's Latest Featured Stories Update. Get Filmy News LIVE Updates on FilmyFocus