సిద్ధు జొన్నలగడ్డ (Siddhu Jonnalagadda), నేహాశెట్టి(Neha Shetty) కాంబినేషన్ లో తెరకెక్కిన డీజే టిల్లు (DJ Tillu) మూవీ బాక్సాఫీస్ వద్ద ఏ స్థాయిలో బ్లాక్ బస్టర్ హిట్ గా నిలిచిందో ప్రత్యేకంగా చెప్పాల్సిన అవసరం లేదు. ఈ సినిమాకు సీక్వెల్ గా టిల్లు స్క్వేర్ (Tillu Square) మూవీ తెరకెక్కగా తాజాగా ఈ సినిమా సెన్సార్ కార్యక్రమాలను పూర్తి చేసుకుంది. సెన్సార్ సభ్యుల నుంచి ఈ సినిమాకు పాజిటివ్ టాక్ వచ్చింది. ఈ సినిమాకు సెన్సార్ సభ్యుల నుంచి యు/ఎ సర్టిఫికెట్ రావడం గమనార్హం.
ఈ ఏడాది సమ్మర్ సినిమాల్లో ఈ సినిమానే బిగ్గెస్ట్ హిట్ గా నిలుస్తుందని ఫ్యాన్స్ సైతం భావిస్తున్నారు. ఈ సినిమాకు ఇప్పటికే బిజినెస్ పూర్తైందని ఈ మూవీ హక్కులు భారీ రేటుకు అమ్ముడవడంతో నిర్మాతలకు టేబుల్ ప్రాఫిట్స్ వచ్చాయని సమాచారం అందుతోంది. సెన్సార్ సభ్యులు ఈ సినిమా చూసి కడుపుబ్బా నవ్వుకున్నారని తెలుస్తోంది. టిల్లు రోల్ పలికే డైలాగ్స్ ఫ్యాన్స్ కు కిక్ ఇస్తాయని ఆ పాత్ర సినిమాకు హైలెట్ కానుందని తెలుస్తోంది.
అనుపమ తన గ్లామర్ తో ప్రేక్షకులను ఆకట్టుకోవడం ఖాయమని కామెంట్లు వ్యక్తమవుతున్నాయి. సెన్సార్ టాక్ పాజిటివ్ గా ఉండగా ఈ సినిమాకు భారీ స్థాయిలో కలెక్షన్లు రావడం ఖాయమని సినీ అభిమానులు భావిస్తున్నారు. ప్రస్తుతం థియేటర్లలో చెప్పుకోదగ్గ సినిమాలు లేకపోవడంతో టిల్లు స్క్వేర్ సినిమాకు మరింత బెనిఫిట్ కలగనుంది. కలెక్షన్ల పరంగా ఈ సినిమా మ్యాజిక్ చేస్తుందని కామెంట్లు వినిపిస్తున్నాయి.
ఇప్పటికే ఈ సినిమా నుంచి రిలీజైన రాధిక సాంగ్ కు ప్రేక్షకుల నుంచి అదిరిపోయే రెస్పాన్స్ వచ్చింది. రాధిక సాంగ్ లిరికల్ వీడియోకు ఏకంగా 28 మిలియన్ల వ్యూస్ వచ్చాయి. గుడ్ ఫ్రైడే రోజున రిలీజ్ కానుండటం ఈ సినిమాకు మరింత ప్లస్ కానుంది. మల్లిక్ రామ్ డైరెక్షన్ లో ఈ సినిమా తెరకెక్కింది. డీజే టిల్లు సినిమాను మించి ఈ సినిమా ఉండబోతుందని తెలుస్తోంది.
ఓం భీమ్ భుష్ సినిమా రివ్యూ & రేటింగ్!!
లైన్ మ్యాన్ సినిమా రివ్యూ & రేటింగ్!
ప్రముఖ బిగ్ బాస్ కంటెస్టెంట్ అరెస్ట్.. మేటర్ ఏంటి?
