జనసేన పార్టీ అధినేత, పవర్ స్టార్ పవన్ కళ్యాణ్ నేడు హైదరాబాద్ కి రానున్నారు. గత గురువారం ( 9 వ తేదీ) ఆయన అమెరికా వెళ్లారు. ఆ రోజు నుంచి సోమవారం వరకు అనేకమందితో కలిశారు. తన మాటలతో చైతన్యం కలిగించారు. న్యూ హ్యామ్ షైర్ లోని నౌషలో జరిగిన మీట్ అండ్ గ్రీట్ కార్యక్రమంలో పవన్ చెప్పిన తన వ్యక్తిగత విషయాలు ప్రతి ఒక్కరినీ ఆకట్టుకున్నాయి. నటనలో కన్నా ప్రజా సేవలోనే తనకి సంతృప్తి ఉందని చెప్పి అక్కడి తెలుగువారు హృదయాలను దోచుకున్నారు. అలాగే సోమవారం హార్వర్డ్ యూనివర్సిటీలో జరిగిన ఇండియన్ కాన్ఫరెన్స్ లో ప్రస్తుత రాజకీయాలు, ప్రజలు ఎదుర్కొంటున్న సమస్యలు, వాటిని పరిష్కరించే ప్రయత్నాలపై అర్ధవంతంగా, ఆలోచనాత్మకంగా మాట్లాడి విదేశీ, స్వదేశీ విద్యార్థులు, అధ్యాపకుల అభినందనలు అందుకున్నారు.
ఐదురోజుల పర్యటన అనుకున్న దానికన్నా విజయవంతమవడంతో పవన్ చాలా సంతోషంగా నిన్న సాయంత్రం తిరుగు ప్రయాణమయ్యారు. ఈ రోజు రాత్రి 8 గంటల ప్రాంతంలో శంషాబాద్ విమానాశ్రయానికి చేరుకుంటారు. తన అభిమాన హీరోకి గ్రాండ్ వెల్కమ్ చెప్పడానికి అభిమానులు ప్లాన్ చేస్తున్నారు. రేపటి నుంచి డాలీ దర్శకత్వంలో తెరకెక్కుతోన్న కాటమరాయుడు షూటింగ్ లో పవన్ కళ్యాణ్ పాల్గొననున్నారు.
Also, do SUBSCRIBE to our YouTube channel to get latest Tollywood updates.
