ఆర్ఆర్ఆర్’ సినిమా ప్రపంచ వ్యాప్తంగా ఎంతటి గుర్తింపు పొందిందో తెలిసిందే. ఈ సినిమాతో తెలుగు సినిమా ఇండస్ట్రీ గురించి యావత్ ప్రపంచానికి తెలిసింది. ఇక ఈ సినిమాలోని నాటు నాటు పాట ఎంత క్రేజ్ సంపాదించుకుందో కూడా తెలిసిందే. సెలబ్రిటీల నుంచి సామాన్యుల వరకు అందరూ ఈ పాటకు కాలు కదిపారు. అంతర్జాతీయ వేదికలపై కూడా ఆర్ఆర్ఆర్ ప్రస్తావన తరచూ వచ్చింది. ఇక జేమ్స్ కామెరూన్ వంటి దిగ్గజ దర్శకులు.. దర్శకధీరుడు రాజమౌళి పనితనాన్ని.. క్రియేటివిటీని.. టాలెంట్ను వేయినోళ్ల పొగిడారు.
ఈ సినిమా టాలీవుడ్ టూ హాలీవుడ్ వయా బాలీవుడ్ తన ప్రస్థానాన్ని విజయవంతంగా సాగించింది. ఈ సినిమా బాక్సాఫీస్‌ వద్ద భారీ వసూళ్లు సాధించడమే కాకుండా ప్రతిష్ఠాత్మకమైన అవార్డులను కూడా సొంతం చేసుకుంది. ఈ సినిమా గురించి.. ఇందులో నటించిన తారక్, రామ్ చరణ్ల గురించి ఇప్పటికే పలువురు హాలీవుడ్ నిపుణులు మాట్లాడారు. పొగడ్తల వర్షం కురిపించారు. ముఖ్యంగా ఈ సినిమాలో కొమురంభీంగా నటించిన తారక్పై ప్రశంసల జల్లు కురిసింది.
అయితే తాజాగా ఈ మూవీ గురించి ‘స్పైడర్ మ్యాన్’ హీరో టామ్‌ హాలండ్‌ మాట్లాడాడు. ఇటీవల ఓ ఇంటర్వ్యూలో మాట్లాడిన ఆయన ‘ఆర్ఆర్ఆర్’ చిత్రాన్ని ప్రశంసించాడు. ముఖ్యంగా (Ram Charan) రామ్ చరణ్పై తనకున్న ప్రేమను చాటుకున్నాడు. ఇటీవల ముంబయిలో జరిగిన నీతా ముకేశ్‌ అంబానీ కల్చరల్‌ సెంటర్‌ ప్రారంభోత్సవానికి బాలీవుడ్తో పాటు హాలీవుడ్ స్టార్లు కూడా అతిథులుగా వచ్చిన విషయం తెలిసిందే. జండాయా, గిగి హాడిడ్లతో పాటు టామ్‌ హాలండ్‌ కూడా ఈ కార్యక్రమానికి హాజరయ్యాడు. మూడు రోజుల పాటు భారత్‌లోనే ఉన్నాడు.
తాజాగా ఓ ఇంటర్వ్యూలో ఆయన మాట్లాడుతూ భారత్‌ పర్యటన గురించి చెప్పాడు. అందులోనే ‘ఆర్ఆర్ఆర్’ గురించి కూడా ప్రస్తావించాడు. మూడు రోజుల్లో ఎంతో మంది ప్రముఖులను కలిశాను. ఒక్క మాటలో చెప్పాలంటే అద్భుతంగా గడిచింది. అలాగే ఈ మధ్యనే నేను ‘ఆర్ఆర్ఆర్’ చూశాను. ఆ సినిమా చాలా బాగుంది. నాకెంతో నచ్చింది. ముఖ్యంగా ఆ సినిమాలో రామ్ చరణ్ యాక్టింగ్ అదుర్స్’’ అని చెప్పాడు. దీంతో రాజమౌళి అభిమానులు ఈ వీడియోను తెగ షేర్‌ చేస్తున్నారు. ఈ వీడియో చూసి రామ్ చరణ్ ఫ్యాన్స్, రాజమౌళి ఫ్యాన్స్ తెగ సంబుర పడిపోతున్నారు.
ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!
టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు
