ఇండియన్ బిగ్గెస్ట్ మల్టిస్టారర్ గా రూపొందించిన ఆర్ఆర్ఆర్ సినిమా శుక్రవారం రోజు భారీ స్థాయిలో విడుదల అయింది. ఈ సినిమా కోసం గత రెండేళ్లుగా నందమూరి మెగా అభిమానులు కూడా ఎంతో ఆశగా ఎదురు చూస్తున్నారు. మొదటిసారి మెగా పవర్ స్టార్ రామ్ చరణ్ తేజ్ నందమూరి యంగ్ టైగర్ జూనియర్ ఎన్టీఆర్ కలిసి నటించడంతో ఈ సినిమాపై ఒక్కసారిగా అంచనాలు పెరిగిపోయాయి. దర్శకుడు రాజమౌళి ఇద్దరు హీరోలను పవర్ఫుల్ ఎమోషనల్ క్యారెక్టర్స్ లో చూపించినట్లుగా అర్థమైంది.
అయితే సినిమా మొదటి రోజు మొదటి షోను ఎంతో ఆతృతగా చూసేందుకు వచ్చిన ఒక అభిమాని సినిమా చూస్తూ మరణించడం ఆశ్చర్యాన్ని కలిగించింది. అనంతపురం లో చోటుచేసుకున్న ఈ విషాదకరమైన సంఘటన అభిమానులందరినీ కూడా కలచివేసింది. సినిమా చూసేందుకు ఎంతో ఆశగా వచ్చిన అభిమాని మధ్యలో లేచి వారి అభిమాన హీరోను ఫోన్ లో చిత్రీకరిస్తున్నప్పుడు ఒక్కసారిగా కుప్పకూలిపోయాడు. అనంతపురం లోని ఎస్ వి మ్యాక్స్ లో ఈ సంఘటన చోటు చేసుకుంది.
వెంటనే అతని స్నేహితులు హాస్పటల్కు తరలించగా అప్పటికే అతను గుండెపోటుతో మరణించినట్లు గా వైద్యులు చెప్పినట్లు సన్నిహితుల ద్వారా తెలిసింది. ఇక ప్రస్తుతం ఈ వార్త సోషల్ మీడియాలో కూడా వైరల్ గా మారిపోయింది. అభిమాన హీరో సినిమాను చూడాలని ఎంతో ఆశగా వచ్చిన అభిమాని అలా ప్రాణాలు కోల్పోవడం పలువురు అభిమానులను కలచివేస్తోంది. ఇక మార్చి 25 వ తేదీన ప్రపంచ వ్యాప్తంగా భారీ స్థాయిలో విడుదలైన ఆర్ఆర్ఆర్ సినిమా మొత్తానికి ప్రీమియర్స్ తోనే పాజిటివ్ టాక్ ను సొంతం చేసుకుంది.
ఇక ఈ సినిమా మొదటిరోజు గతంలో ఎప్పుడూ లేని విధంగా సరికొత్త బాక్సాఫీస్ రికార్డులను క్రియేట్ చేస్తుంది అని అర్థం అవుతోంది. ఇక రామ్ చరణ్ తేజ అల్లూరి సీతారామరాజు జూనియర్ ఎన్టీఆర్ కొమురం భీమ్ పాత్రలో అదరగొట్టేసారు అంటూ అభిమానులు విజిల్స్ వేస్తున్నారు. మరి ఈ సినిమా ఫైనల్ గా ఎంత కలెక్ట్ చేస్తుందో చూడాలి.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
