పవన్ కళ్యాణ్ సినిమాలకి త్రివిక్రమ్ గ్రౌండ్ వర్క్ చేయడం కామన్. ‘వకీల్ సాబ్’ సినిమాని స్వయంగా వేణు శ్రీరామ్ చేతిలో పెట్టింది త్రివిక్రమ్ అని స్వయంగా అతనే ప్రీ రిలీజ్ వేడుకలో చెప్పాలి. ఇక ‘భీమ్లా నాయక్’ విషయంలో కాస్త ఎక్కువగానే ఇన్వాల్వ్ అయ్యాడు. ఆ ప్రాజెక్టుని సాగర్ చంద్రకి అప్పగించడం దగ్గర నుండీ ‘అయ్యప్పనుమ్ కోషియమ్’ ను తెలుగు ప్రేక్షకులకు దగ్గర చేసేలా ఆయన తీసుకున్న జాగ్రత్తలు అన్నీ, ఇన్నీ కాదు.
మాటలు, స్క్రీన్ ప్లే విభాగాలకు త్రివిక్రమ్ పేరు పడింది. ‘సితార ఎంటర్టైన్మెంట్స్’ అనేది ఆయన సొంత బ్యానర్ లాంటిది కాబట్టి ఆ ప్రాజెక్టుకి కాస్త ఎక్కువగా త్రివిక్రమ్ పనిచేయాల్సి వచ్చింది. ఇప్పుడు ఆయన పవన్ కు సంబంధించి మరో ప్రాజెక్టుకి కూడా వర్క్ చేయాల్సి ఉంది. కానీ దానిని ఆయన పక్కన పెట్టినట్టు తెలుస్తుంది. ఎందుకంటే త్రివిక్రమ్ .. మహేష్ బాబుతో ఓ సినిమా చేయాల్సి ఉంది. ‘సర్కారు వారి పాట’ పూర్తయిన వెంటనే మహేష్ బాబు… త్రివిక్రమ్ మూవీని ప్రారంభిస్తాడు.
‘భీమ్లా నాయక్’ వల్ల త్రివిక్రమ్.. మహేష్ ప్రాజెక్టుని సరిగ్గా పట్టించుకోలేదు. ఇప్పుడు పవన్ ‘వినోదయ సీతమ్’ రీమేక్ లో నటించబోతున్నాడు. సముద్రఖని ఈ చిత్రానికి దర్శకుడు. నిజానికి ఈ చిత్రానికి కూడా త్రివిక్రమ్ సంబాషణలు, కథలో మార్పులు చేస్తాడని ప్రచారం జరిగింది. కానీ మహేష్ సినిమా కోసం ఇప్పుడు ఆయన తప్పుకున్నాడట. బుర్రా సాయి మాధవ్ కు ఆ బాధ్యతలు అప్పగించాలని త్రివిక్రమ్ డిసైడ్ అయినట్టు తెలుస్తుంది.
నిజానికి ‘వినోదయ సీతమ్’ తెలుగు వెర్షన్ అందుబాటులోనే ఉంది. గట్టి మార్పులు చేస్తేనే కానీ తెలుగు ప్రేక్షకులకి అది రీచ్ అయ్యే సబ్జెక్టు కాదు. మరి ఈ ప్రాజెక్టు ఎలా ఉండబోతుందో చూడాలి..!
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
