దర్శకధీరుడు రాజమౌళి, మహేష్ బాబు కాంబినేషన్ లో ఓ సినిమా తెరకెక్కనున్న సంగతి తెలిసిందే. ప్రస్తుతం ఈ ప్రాజెక్ట్ కి సంబంధించిన ప్రీప్రొడక్షన్ పనులు జరుగుతున్నాయి. ఈ కాంబినేషన్ పై ప్రేక్షకుల్లోనే కాదు.. సినిమా ఇండస్ట్రీలో కూడా ఆసక్తి నెలకొంది. ఫారెస్ట్ అడ్వెంచర్ నేపథ్యంలో సాగే యాక్షన్ సినిమాగా దీన్ని తెరకెక్కించనున్నారు. ఈ సినిమాకి సంబంధించిన ఓ అప్డేట్ ఇప్పుడు బయటకొచ్చింది. రచయిత విజయేంద్రప్రసాద్ రీసెంట్ గా ఓ ఇంటర్వ్యూలో ఈ ప్రాజెక్ట్ గురించి మాట్లాడారు.
వచ్చే ఏడాది జూన్ నాటికి షూటింగ్ మొదలుపెట్టేస్తామని చెప్పారు. ఎన్నో రోజుల నుంచి రాజమౌళి ఇలాంటి సాహసోపేతమైన కథను తెరకెక్కించాలని అనుకుంటున్నాడని.. ఈ కథకు మహేష్ సూట్ అవుతాడని అతడిని ఎంపిక చేసుకున్నట్లు చెప్పారు. మహేష్ ని దృష్టిలో పెట్టుకొనే కథ రాసినట్లు విజయేంద్రప్రసాద్ చెప్పారు. ఈ సినిమా షూటింగ్ ప్రపంచవ్యాప్తంగా ఉన్న ఎన్నో ప్రదేశాల్లో చిత్రీకరించాలనుకుంటున్నారు చెప్పుకొచ్చారు. మొన్నామధ్య రాజమౌళి స్వయంగా ఈ సినిమా గురించి మాట్లాడారు.
హాలీవుడ్ సినిమా ఇండియానా జోన్స్ మాదిరిగా ఈ ప్రాజెక్ట్ ఉండాలని భావిస్తున్నట్లు రాజమౌళి చెప్పారు. ‘బాహుబలి’, ‘ఆర్ఆర్ఆర్’లను మించి ఉండేలా రాజమౌళి ఈ సినిమాను రూపొందించనున్నారు. కేఎల్ నారాయణ ఈ సినిమాను నిర్మించబోతున్నట్లు సమాచారం. ప్రస్తుతం మహేష్ బాబు.. త్రివిక్రమ్ దర్శకత్వంలో ఓ సినిమా చేస్తున్నారు. SSMB28గా రూపొందుతున్న ఈ సినిమాలో పూజా హెగ్డే హీరోయిన్ గా నటిస్తోంది. ఇప్పటికే ఈ సినిమా షూటింగ్ కూడా మొదలైంది. వచ్చే ఏడాదిలో ఈ సినిమా ప్రేక్షకుల ముందుకు రానుంది.
హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!
