‘కాంతార’ మూవీ వరల్డ్ వైడ్ ఏ రేంజ్ సెన్సేషన్ క్రియేట్ చేసిందో కొత్తగా చెప్పక్కర్లేదు.. కేవలం రూ.16 కోట్ల బడ్జెట్ తో నిర్మితమైన ఈ చిత్రం ఫుల్ రన్ ముగిసేసరికి వరల్డ్ వైడ్ గా రూ.400 కోట్లకు పైగా గ్రాస్ వసూళ్లను రాబట్టి చరిత్ర సృష్టించింది. బాలీవుడ్‌లో కూడా ఈ మూవీ రూ.100 కోట్లకు పైగా గ్రాస్ వసూళ్లను సాధించడం ఓ రికార్డుగా చెప్పుకోవాలి. ‘కెజీఎఫ్’ తర్వాత యావత్ ప్రపంచం చూపు కన్నడ పరిశ్రమ వైపు తిప్పిందీ చిత్రం..
రిషబ్ శెట్టి నటిస్తూ దర్శకత్వం వహించగా.. ‘కెజీఎఫ్’ నిర్మించిన హోంబలే ఫిలింస్ బ్యానర్ మీద విజయ్ కిరగందూర్ తెరకెక్కించారు. తెలుగులో ఈ సినిమా రూ.25 కోట్లకు పైగా లాభాలను అందించింది.. తెలుగు రాష్ట్రాల్లో ప్రముఖ నిర్మాత అల్లు అరవింద్ డిస్ట్రిబ్యూట్ చేశారు. అలాగే రిషబ్ శెట్టికి తన బ్యానర్లో ఛాన్స్ ఇచ్చారు కూడా.. కర్ణాటకకు చెందిన ప్రాచీన కళ అయినటు వంటి భూత కోలా అనే ఎపిసోడ్ చుట్టూ తిరిగే ఈ చిత్రంలో థ్రిల్ చేసే ఎలిమెంట్స్ చాలా ఉంటాయి.
ముఖ్యంగా క్లైమాక్స్ గూస్ బంప్స్ తెప్పించే విధంగా ఉంటుంది. రిషబ్ నటన కూడా అద్భుతంగా ఉంటుంది. అందుకే తెలుగులో కూడా ఈ చిత్రాన్ని ఎగబడి చూశారు ప్రేక్షకులు. ‘కాంతార’ చిత్రం మొదటి సారి స్టార్ మా లో టెలికాస్ట్ అయినప్పుడు 14.6 టి.ఆర్.పి రేటింగ్ సాధించడం విశేషం.. ఇక ‘కాంతార’ కు ప్రీక్వెల్ చేస్తున్నట్టు రిషబ్ శెట్టి ఇటీవల అనౌన్స్ చేసిన సంగతి తెలిసిందే. ‘కాంతార’ మేకింగ్ లాంటిదని.. ‘కాంతార’ ప్రీక్వెల్ అంతుకుమించి ఉంటుందని అంచనాలు పెంచేశాడు.
ప్రస్తుతం ప్రీ ప్రొడక్షన్ వర్క్ ఫుల్ స్పీడ్‌గా జరుగుతోంది. ఈ నేపథ్యంలో ఈ సినిమాలో ఓ కీలక పాత్ర కోసం బాలీవుడ్ బ్యూటీ ఊర్వశి రౌతేలాను సెలెక్ట్ చేశారు. రీసెంట్‌గా ఆమె బెంగుళూరులోని హోంబలే ఫిలింస్ ఆఫీసులో హీరో కమ్ డైరెక్టర్ రిషబ్ శెట్టిని కలిసిన పిక్ షేర్ చేస్తూ.. ఈ విషయాన్ని కన్ఫామ్ చేసింది.
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
