అనిల్ రావిపూడి డైరెక్షన్ లో రవితేజ హీరోగా తెరకెక్కిన రాజా ది గ్రేట్ సినిమాలో రవితేజ చూపు లేని వ్యక్తి పాత్రలో నటించిన సంగతి తెలిసిందే. ఆ పాత్ర రవితేజకు నటుడిగా మంచి పేరు తెచ్చిపెట్టడంతో పాటు బాక్సాఫీస్ వద్ద హిట్ గా నిలిచింది. లేడీ సూపర్ స్టార్ నయనతార సైతం నెట్రికన్ సినిమాలో అంధురాలి పాత్రలో నటించారు. ఆ సినిమా డిస్నీ + హాట్ స్టార్ ఓటీటీలో రిలీజై పాజిటివ్ టాక్ ను సొంతం చేసుకుంది.
నితిన్ చూపులేని వ్యక్తిగా నటించిన మ్యాస్ట్రో మూవీ ఈ నెల 17వ తేదీన డిస్నీ + హాట్ స్టార్ ఓటీటీలో స్ట్రీమింగ్ కానున్న సంగతి తెలిసిందే. అయితే ప్రముఖ నటి వరలక్ష్మి శరత్ కుమార్ కూడా అంధురాలిగా కనిపించబోతున్నారని సమాచారం. సంగ పార్వై అనే తమిళ సినిమాలో వరలక్ష్మి అంధురాలిగా కనిపించనుండగా వచ్చే నెల 1వ తేదీన ఈ సినిమా రిలీజ్ కానుంది. ఈ ఏడాది రిలీజైన క్రాక్ , నాంది సినిమాలతో వరలక్ష్మి విజయాలను సొంతం చేసుకున్నారు.
సంగ పార్వై సినిమా తమిళంలో విజయాన్ని అందుకుంటే తెలుగులో ఈ సినిమా డబ్ అయ్యే అవకాశం ఉంటుంది. వరలక్ష్మి ఈ పాత్రతో ప్రేక్షకులను మెప్పిస్తుందో లేదో చూడాల్సి ఉంది. అభినయానికి ప్రాధాన్యత ఉన్న పాత్రలను వరుసగా ఎంచుకుంటూ తన నటనతో వరలక్ష్మి శరత్ కుమార్ ప్రేక్షకులను ఆకట్టుకుంటున్నారు. తెలుగులో పలువురు స్టార్ హీరోల సినిమాల్లో కీలక పాత్రల కోసం వరలక్ష్మి ఎంపికైనట్టు తెలుస్తోంది.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
