సాధారణంగా సినిమాలు హిట్ అయితే కనుక కొన్ని సెంటిమెంట్లను అలాగే కంటిన్యూ చేస్తూ ఉంటారు దీంతో ఎన్నో సినిమాలు సెంటిమెంట్ కి అనుగుణంగానే విడుదల కావడం, సెంటిమెంట్ టైటిల్స్ వాడటం వంటివి చేస్తూ ఉంటారు. అయితే తాజాగా సంక్రాంతి సినిమాలకు లక్కీ హీరోయిన్గా పేరు ప్రఖ్యాతలు సంపాదించుకున్నారు నటి వరలక్ష్మి శరత్ కుమార్. ఈమె కోలీవుడ్ ఇండస్ట్రీలో హీరోయిన్గా పలు సినిమాలలో నటించి అనంతరం విలన్ పాత్రలలో నటిస్తూ ఇండస్ట్రీలో కొనసాగుతున్నారు.
ఇక ఇటీవల కాలంలో ఈమె టాలీవుడ్ ఇండస్ట్రీలో కూడా వరుస సినిమాలలో నటిస్తున్న విషయం తెలిసిందే. అయితే తాజాగా ఈమె హనుమన్ సినిమాలో అంజమ్మ అనే పాత్రలో నటించి మెప్పించారు. ఈ సంక్రాంతికి విడుదలైనటువంటి ఈ సినిమా అద్భుతమైనటువంటి విషయాన్ని అందుకుంది. ఈ సినిమాలో ఈమె పాత్ర తక్కువగా ఉన్నప్పటికీ ఈమె పాత్రకు మంచి ప్రాధాన్యత ఉందని చెప్పాలి.
అయితే ఈమె వరసగా మూడు సంవత్సరాల పాటు సంక్రాంతి సినిమాల ద్వారా ప్రేక్షకుల ముందుకు వస్తున్నారు. అయితే ఈ మూడు సినిమాలు కూడా సెన్సేషనల్ హిట్ అందుకోవడంతో ఈమె లక్కీ చార్మి అంటూ పలువురు కామెంట్లు చేస్తున్నారు. రవితేజ హీరోగా నటించిన క్రాక్ సినిమా 2021 సంక్రాంతికి ప్రేక్షకుల ముందుకు వచ్చింది ఈ సినిమా బ్లాక్ బస్టర్ అయింది. ఇక 2023వ సంవత్సరంలో బాలకృష్ణ హీరోగా నటించిన వీర సింహారెడ్డి సినిమాలో నటించారు.
ఈ సినిమా కూడా ఎంతో అద్భుతమైనటువంటి విజయాన్ని సొంతం చేసుకుంది. ఇకపోతే తాజాగా ఈ సంక్రాంతికి హనుమాన్ సినిమా ద్వారా ప్రేక్షకుల ముందుకు వచ్చారు. ఈ సినిమా కూడా ఎంతో అద్భుతమైనటువంటి విజయాన్ని అందుకోవడంతో ఈమె సినిమాలలో నటిస్తే కనుక సంక్రాంతికి ఆ సినిమాలు చాలా హిట్ అవుతాయని పలువురు ఈమె నటించిన సినిమాల గురించి కామెంట్లు చేస్తున్నారు.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
