గతేడాది మొత్తంలో మన తెలుగు ప్రేక్షకులు మన తెలుగు సినిమాలకంటే ఎక్కువగా మాట్లాడుకున్న తమిళ సినిమా “96”. ఆ సినిమాలో ప్రధాన పాత్రలు పోషించిన విజయ్ సేతుపతి, త్రిషలతోపాటు మరో నటి కూడా వారిద్దరి స్థాయిలో ప్రేక్షకుల దృష్టిని ఆకర్షించింది. ఆమె వర్ష బొల్లమ్మ.. సినిమాలో విజయ్ సేతుపతిని ఇష్టపడే స్టూడెంట్ గా నటించిన వర్ష బొల్లమ్మ త్వరలోనే తెలుగులో ఎంట్రీ ఇవ్వనుంది. “పెళ్ళిచూపులు” చిత్రాన్ని నిర్మించి అభిరుచి గల నిర్మాతగా పేరు తెచ్చుకున్న రాజ్ కందుకూరి తన కుమారుడ్ని కథానాయకుడిగా పరిచయం చేస్తూ ఓ చిత్రాన్ని నిర్మించనున్నారు. శేష సింధూరావు దర్శకురాలిగా పరిచయమవుతున్న ఈ చిత్రం రెగ్యులర్ షూటింగ్ త్వరలోనే మొదలుకానుంది.
ఇకపోతే.. తొలుత ఈ చిత్రంలో కథానాయికగా రీతువర్మ, ప్రియాంక జవాల్కర్ ల పేర్లు వినిపించినప్పటికీ.. ఫైనల్ గా వర్షను ఫిక్స్ చేశారు. వచ్చే నెల నుంచి ఈ చిత్రమ్మ్ రెగ్యులర్ షూటింగ్ మొదలవ్వనుంది. నిర్మాతగా రెండు మూడు ప్రయత్నాల తర్వాత కానీ సక్సెస్ అందుకోలేకపోయిన రాజ్ కందుకూరి తన కుమారుడు మాత్రం తొలి ప్రయత్నంలోనే సూపర్ సక్సెస్ అందుకోవాలని చాలా జాగ్రత్తలు తీసుకొంటున్నాడు. మరి రాజ్ కందుకూరి ప్రయత్నం ఏమేరకు ఫలిస్తుందో చూడాలి.
