ఏరా పులిహోర బాగా కలుపుతున్నావ్ అని మనం మన స్నేహితులను అప్పుడప్పుడూ ఎడిపిస్తుంటామ్. సాధారణంగా ఇలా ఎవరైనా అడిగితే వెంటనే లేదురా అనేస్తారు. కానీ.. వరుణ్ తేజ్ మాత్రం చాలా సరదాగా “గట్టిగా కలుపుతాను” అంటున్నాడు. ఇటీవల “అంతరిక్షం” ప్రమోషన్స్ లో భాగంగా సోషల్ మీడియాలో “ఆస్క్ వరుణ్ తేజ్” సెషన్ లో వరుణ్ తన అభిమానులు అడిగిన ప్రశ్నలకు సమాధానాలు చెప్పాడు. సీరియస్ క్వశ్చన్స్ కి సీరియస్ గా, సిల్లీ క్వశ్చన్స్ కి సిల్లీగా సమాధానాలు ఇచ్చాడు వరుణ్.
ఈ క్రమంలో ఒక కుర్రాడు “అన్నా పులహార కలపడం వచ్చా?” అని అడిగితే దానికి వరుణ్ సరదాగా “గట్టిగా” అని రిప్లై ఇవ్వడం ట్రెండ్ అయ్యింది. వరుణ్ ఫ్యాన్స్ అయితే ఏకంగా.. వరుణ్ గ్లామర్ కి పులిహార ఆయన కలపడం కాదు, ఆయనతోనే జనాలు పులహార కలుపుతారు అంటూ వరుణ్ కి సపోర్ట్ చేయడం మొదలెట్టారు. నిన్న విడుదలైన “అంతరిక్షం” చిత్రానికి చాలా మిశ్రమ స్పందన లభించడంతో.. లేట్ చేయకుండా తన తదుపరి చిత్రాన్ని ప్రకటించాడు వరుణ్ తేజ్.
