తెలుగు చిత్రపరిశ్రమల్లోని హీరోలో మహేష్ బాబు ఎక్కువ కంపెనీలకు ప్రచారకర్తగా ఉన్నారు. ఆ తర్వాత అల్లు అర్జున్, నాగార్జున, అఖిల్ తదితరులు బ్రాండ్ అంబాసిడర్ గా మంచి ఆదాయాన్ని అందుకుంటున్నారు. తాజాగా ఈ జాబితాలోకి వరుణ్ తేజ్ చేరారు. మెగా హీరో అయినప్పటికీ మొదట్లో కమర్షియల్ సినిమాలే చేయాలనే రూలేమీ పెట్టుకోకుండా ప్రయోగాత్మక కథలు చేశారు. మంచి నటుడిగా పేరు తెచుకున్నప్పటికీ మంచి హిట్ ని అందుకోలేకపోయారు ఫిదా మూవీతో సూపర్ హిట్ కొట్టారు. రీసెంట్ తొలిప్రేమ సినిమాతో కోట్లు కొల్లగొట్టారు. ఈ రెండు చిత్రాలతో మెగా ప్రిన్స్ తెలుగు రాష్ట్రాల్లో బాగా పాపులర్ అయ్యారు.
దీంతో వరుణ్ తేజ్ తమ కామెనీకి బ్రాండ్ అంబాసిడర్ గా ఉండాలని పలు కంపెనీలు వరుణ్ ని సంప్రదించగా.. అతను మాత్రం R S బ్రదర్స్ షాపింగ్ మాల్ కి ఒకే చెప్పారు. ఒక ఏడాది పాటు ఈ సంస్థకి బ్రాండ్ అంబాసిడర్ గా ఉండేందుకు అంగీకారం తెలిపారు. ప్రస్తుతం వరుణ్ అంతరిక్ష నేపథ్యంలో సినిమా చేస్తున్నారు . సంకల్ప్ రెడ్డి దర్శకత్వంలో తెరకెక్కుతున్న ఈ సినిమా భారీ షెడ్యూల్ ని రీసెంట్ గా పూర్తి చేసుకుంది. దీని తర్వాత అనిల్ రావిపూడి దర్శకత్వంలో వెంకటేష్ తో కలిసి మల్టీ స్టారర్ మూవీ చేయనున్నారు.
