వెంకట్‌ ప్రభు సినిమాలకు, మిగిలిన హీరోల సినిమాలకు చాలా డిఫరెన్స్‌ ఉంటుంది. ఈ మాట మేం ప్రత్యేకంగా చెప్పడం లేదు. ఆయన గత సినిమాలు చూస్తే ఆ విషయం అర్థమైపోతుంది. ఆయన సినిమా కథను అంతర్లీనంగా సినిమ పేరులో, ట్యాగ్‌లైన్‌లో, పోస్టర్‌లో, కాన్సెప్ట్‌ వీడియోల్లో దాస్తారు. ఇప్పుడు విజయ్ హీరోగా ఆయన కొత్త సినిమా అనౌన్స్‌ అయ్యింది కదా… అందులోనూ ఇలాంటి ప్రయత్నమే చేశారు అని అంటున్నారు. ‘కస్టడీ’ సినిమాతో సరైన ఫలితం అందుకోలేకపోయారు.
దీంతో వెంకట్‌ ప్రభు నుండి ఇంత డల్‌ సినిమా రావడం ఏంటి అనే చర్చ మొదలైంది. అయితే ఆ చర్చకు ఎక్కువ రోజులు ఆస్కారం ఇవ్వకుండా కొత్త సినిమాను అనౌన్స్‌ చేసేశారు. ఒక స్టార్‌ హీరోను ఫ్లాప్‌ తర్వాత ఓకే చేయించుకున్నారు అంటే ఆ కథలో ఎంత విషయం ఉంటుందో అర్థం చేసుకోవచ్చు. అందులో కథల ఎంపిక విషయంలో కీన్‌గా ఉండే విజయ్‌ను ఒప్పించారు ఇక్కడ. విజయ్68వ సినిమాగా ఇటీవల వెంకట్‌ ప్రభు అనౌన్స్‌ చేశారు.
ఈ ప్రకటనను స్పెషల్‌గా ఓ క్రాస్‌వర్డ్స్‌ కాన్సెప్ట్‌లో రిలీజ్ చేశారు. సినిమాలో ప్రధాన పాత్రధారులు, కీలక సాంకేతిక నిపుణుల పేర్లను ఆ క్రాస్‌వర్డ్స్‌లో పొందుపరిచారు. ఒక్కో పేరును రౌండ్‌ చేస్తూ ప్రకటించారు. అయితే ఇదేదో డిఫరెంట్‌గా ఉంటుందని అలా చేయలేదని.. సినిమా కథకు ఆ క్రాస్ట్‌వర్డ్స్‌ కంప్లీషన్‌కు దగ్గర సంబంధం ఉంటుంది అంటున్నారు. సినిమా ఇలా పజిల్‌ సొల్యూషన్‌లా ఉంటుందని చెబుతున్నారట. ప్రస్తుతం (Vijay) విజయ్ లోకేష్ కనగరాజ్‌తో ‘లియో’ అనే సినిమా చేస్తున్నారు.
దీని తర్వాత అట్లీతో సినిమా ఉంటుందని చెప్పారు. అయితే ఇప్పుడు వెంకట్‌ ప్రభు సినిమా వచ్చింది. ‘లియో’ అక్టోబర్ 19న ప్రేక్షకుల ముందుకు రానుంది. ఆ వెంటనే వెంకట్‌ప్రభు సినిమా స్టార్ట్‌ అవుతుందని సమాచారం. వచ్చే వేసవి కానుకగా ఈ సినిమాను రిలీజ్ చేయడానికి ప్రయత్నాలు చేస్తున్నారట. ఈ సినిమాకు యువన్‌ శంకర్‌ రాజా సంగీతం అందిస్తారు.
బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!
అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు
