సినిమా ఇండస్ట్రీలో ఎక్కువ సక్సెస్ రేట్ ఉన్న హీరోలలో విక్టరీ వెంకటేశ్ ఒకరు. వెంకటేశ్ నటించిన సైంధవ్ టీజర్ తాజాగా విడుదలైంది. సైంధవ్ టీజర్ కు యూట్యూబ్ లో రికార్డ్ స్థాయిలో వ్యూస్ వస్తున్నాయి. 2024 సంవత్సరం జనవరి 13వ తేదీన ఈ సినిమా థియేటర్లలో విడుదల కానుంది. టీజర్ లో వెంకటేశ్ నట విశ్వరూపం చూపించారనే చెప్పాలి. టీజర్ ప్రేక్షకులకు ఎంతగానో నచ్చేయగా వెంకీ ఖాతాలో మరో హిట్ అని ఫ్యాన్స్ కామెంట్లు చేస్తున్నారు.
ప్రతి సంవత్సరం సంక్రాంతి పండుగకు రెండు నుంచి మూడు సినిమాలకు ఛాన్స్ ఉంటుంది. ఇప్పటికే గుంటూరు కారం సినిమా సంక్రాంతి రేసులో ఉండగా సైంధవ్ సినిమా కూడా ఆ జాబితాలో నిలిచింది. అయితే సీతమ్మ వాకిట్లో సిరిమల్లె చెట్టు సినిమాలో వెంకటేశ్, మహేశ్ పెద్దోడు, చిన్నోడు పాత్రల్లో నటించి మెప్పించారు. ఈ ఇద్దరు హీరోల సినిమాలు 2024 సంక్రాంతికి బాక్సాఫీస్ వద్ద పోటీ పడనున్నాయి.
సంక్రాంతి పోటీ గురించి ప్రశ్న వెంకటేశ్ కు ఎదురు కాగా ఆ ప్రశ్నకు వెంకటేశ్ నవ్వుతూ సమాధానం ఇచ్చారు. పెద్దోడు వస్తే సూపర్ హిట్ అని చిన్నోడు వచ్చినా సూపర్ హిట్ అని ఇద్దరూ కలిసి వచ్చినా సూపర్ హిట్ అని తెలిపారు. సీతమ్మ వాకిట్లో సిరిమల్లె చెట్టు సినిమాను సంక్రాంతికి రిలీజ్ చేసి హిట్ కొట్టామని ఫ్యాన్స్ పెద్దోడి సినిమా కోసం ఎదురుచూస్తున్నారని చిన్నోడి కోసం ఎదురుచూస్తున్నారని వెంకటేశ్ చెప్పుకొచ్చారు.
ఇద్దరం ఒకేసారి రావడం సంతోషంగా ఉందని రెండు సినిమాలు మంచి హిట్ అందుకుంటాయని వెంకటేశ్ తెలిపారు. వెంకటేశ్ వెల్లడించిన విషయాలు సోషల్ మీడియా వేదికగా వైరల్ అవుతుండగా ఫ్యాన్స్ ఎంతో సంతోషిస్తున్నారు. సైంధవ్ సినిమాతో పోటీ గురించి మహేష్ బాబు ఎలా స్పందిస్తారో చూడాల్సి ఉంది. (Venkatesh) వెంకటేశ్, మహేశ్ బాబు తర్వాత ప్రాజెక్ట్ లతో విజయాలను అందుకోవాలని ఫ్యాన్స్ భావిస్తున్నారు.
‘బిగ్ బాస్ 7’ వైల్డ్ కార్డ్ ఎంట్రీ నయనీ పావని గురించి 10 ఆసక్తికర విషయాలు!
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘బిగ్ బాస్ 7’ వైల్డ్ కార్డ్ ఎంట్రీ అశ్విని శ్రీ గురించి 10 ఆసక్తికర విషయాలు!
