పవర్ స్టార్ పవన్ కళ్యాణ్ త్రివిక్రమ్ శ్రీనివాస్ కాంబినేషన్ లో తెరకెక్కిన జల్సా మూవీ బ్లాక్ బస్టర్ హిట్ గా నిలిచిన సంగతి తెలిసిందే. ఇలియానా ఈ సినిమాలో హీరోయిన్ గా నటించగా దేవి శ్రీ ప్రసాద్ ఈ సినిమాకు సంగీతం అందించారు. అయితే ఈ టైటిల్ తో విద్యాబాలన్ ప్రధాన పాత్రలో హిందీలో ఒక సినిమా తెరకెక్కనుండటం గమనార్హం. సురేష్ త్రివేణి ఈ సినిమాకు డైరెక్టర్ గా ఉండటంతో పాటు ప్రొడ్యూసర్ గా వ్యవహరిస్తున్నారు.
బాలీవుడ్ ప్రముఖ నిర్మాణ సంస్థలైన అబుడెన్షియా ఎంటర్టైన్మెంట్, టి సిరీస్ ఈ సినిమాను నిర్మిస్తున్నాయి. ముంబైలో ఈ సినిమా షూటింగ్ ప్రారంభం కాగా షెఫాలీ షా ఈ సినిమాలో కీలక పాత్రలో నటిస్తున్నారు. తెలుగులో జల్సా సక్సెస్ సాధించడంతో హిందీలో ఈ సినిమా ఎలాంటి రిజల్ట్ ను సొంతం చేసుకుంటుందో అని పవన్ కళ్యాణ్ ఫ్యాన్స్ ఆసక్తిగా ఎదురుచూస్తున్నారు. పవర్ స్టార్ మూవీ టైటిల్ తో షెఫాలీ షా, విద్యాబాలన్ లకు హిట్ వస్తుందేమో చూడాల్సి ఉంది.
2008 సంవత్సరంలో పవన్ నటించిన జల్సా సినిమా రిలీజ్ కాగా మహేష్ బాబు ఈ సినిమాకు వాయిస్ ఓవర్ అందించారు. ఈ సినిమాలోని పాటలు బ్లాక్ బస్టర్ హిట్ కావడంతో పాటు పవన్ ఈ సినిమాలో కొత్తగా కనిపించారనే కామెంట్లు వినిపించాయి. పవన్ త్రివిక్రమ్ కాంబోలో తెరకెక్కిన తొలి సినిమా ఇదే కావడం గమనార్హం. పవన్ టైటిల్ తో తెరకెక్కుతుండటంతో హిందీ జల్సా కోసం తెలుగు ప్రేక్షకులు ఎదురుచూస్తున్నారు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
