2016 సంవత్సరంలో పెద్దగా అంచనాలు లేకుండా విడుదలైన బిచ్చగాడు మూవీ అన్ని వర్గాల ప్రేక్షకులను మెప్పించడంతో పాటు ప్రేక్షకులకు ఎంతగానో నచ్చింది. పరిమిత బడ్జెట్ తో తెరకెక్కిన ఈ సినిమా నిర్మాతలకు కళ్లు చెదిరే లాభాలను అందించింది. మొదట ఈ సినిమా టైటిల్ పై విమర్శలు వచ్చినా ఈ మూవీ చూసిన తర్వాత చాలామంది అభిప్రాయాన్ని మార్చుకోవడం గమనార్హం. మదర్ సెంటిమెంట్ తో తెరకెక్కిన ఈ సినిమా అన్ని వర్గాల ప్రేక్షకులను మెప్పించింది.
విజయ్ ఆంటోని బిచ్చగాడు2 సినిమాకు సంబంధించి ప్రకటన చేసిన వెంటనే చాలామంది ఈ సినిమా బిచ్చగాడు సినిమాకు సీక్వెల్ అని భావించారు. అయితే విజయ్ ఆంటోని మాత్రం ఈ సినిమా సీక్వెల్ కాదని క్లారిటీ ఇస్తూ వచ్చారు. బిచ్చగాడు2 సినిమా వైవిధ్యమైన కథ, కథనంతో తెరకెక్కినా బిచ్చగాడు1 స్థాయిలో ప్రేక్షకులను మెప్పించడంలో ఫెయిల్ అయిందనే సంగతి తెలిసిందే. అయితే బిచ్చగాడు క్రేజ్ వల్ల బిచ్చగాడు2 సినిమాకు కూడా అదిరిపోయే స్థాయిలో కలెక్షన్లు వస్తున్నాయి.
తెలుగు రాష్ట్రాల్లో, తమిళనాడులో ఈ సినిమా అంచనాలకు మించి కలెక్షన్లను సొంతం చేసుకుంటోంది. కథనం విషయంలో మరిన్ని జాగ్రత్తలు తీసుకుని ఉంటే మాత్రం ఈ సినిమా రేంజ్ మారిపోయేదని కొంతమంది అభిప్రాయం వ్యక్తం చేస్తున్నారు. బిచ్చగాడు2 సక్సెస్ తో బిచ్చగాడు3 దిశగా కూడా రాబోయే రోజుల్లో అడుగులు పడే ఛాన్స్ ఉంది. ఒక వర్గం ప్రేక్షకుల్లో బిచ్చగాడు ఫ్రాంఛైజ్ సినిమాలపై మంచి అభిప్రాయం ఉంది.
బిచ్చగాడు2 సినిమా సక్సెస్ (Vijay Antony) విజయ్ ఆంటోని కెరీర్ కు ఒకింత ప్లస్ అవుతుందని చెప్పవచ్చు. అయితే విజయ్ ఆంటోని హీరోగా మాత్రమే కొనసాగితే బాగుంటుందని అభిప్రాయాలు వ్యక్తమవుతున్నాయి. సినిమాకు సంబంధించిన అన్ని విభాగాలలో విజయ్ ఆంటోని జోక్యం చేసుకోవడం కరెక్ట్ కాదని అభిప్రాయాలు వినిపిస్తున్నాయి.
బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!
అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు
