యంగ్ హీరో విజయ్ దేవరకొండ వరుస విజయాలను సొంతం చేసుకోవడంతో పాటు సినిమాసినిమాకు యూత్ లో ఫ్యాన్ ఫాలోయింగ్ ను పెంచుకుంటున్న సంగతి తెలిసిందే. ఒకవైపు సినిమాలతో ఎంత బిజీగా ఉన్నా ఇతర హీరోల సినిమాల్లో గెస్ట్ అప్పియరెన్స్ ఇస్తూ ఆ సినిమాల విజయాలలో విజయ్ దేవరకొండ కూడా భాగమవుతున్నారు. నాని హీరోగా నటిస్తున్న శ్యామ్ సింగరాయ్ సినిమాలో కూడా విజయ్ గెస్ట్ రోల్ లో నటిస్తున్నాడని తెలుస్తోంది. ట్యాక్సీవాలా ఫేమ్ రాహుల్ సాంకృత్యాన్ డైరెక్షన్ లో ట్యాక్సీవాలా సినిమా తెరకెక్కుతుండగా ఈ సినిమాపై భారీగా అంచనాలు నెలకొన్నాయి.
2015 సంవత్సరంలో నాగ్ అశ్విన్ డైరెక్షన్ లో తెరకెక్కి విడుదలైన ఎవడే సుబ్రమణ్యం సినిమాలో నాని, విజయ్ దేవరకొండ కలిసి నటించిన సంగతి తెలిసిందే. ఈ కాంబినేషన్ మళ్లీ రిపీట్ కాబోతుంది. పీరియాడిక్ డ్రామాగా తెరకెక్కుతున్న ఈ సినిమా ఫస్ట్ లుక్ ఇప్పటికే విడుదలై పాజిటివ్ రెస్పాన్స్ సొంతం చేసుకుంది. అయితే ఈ సినిమాలో విజయ్ గెస్ట్ రోల్ లో నటిస్తున్నట్టు అధికారిక ప్రకటన వెలువడాల్సి ఉంది. గత వారం విడుదలైన జాతిరత్నాలు సినిమాలో విజయ్ దేవరకొండ గెస్ట్ రోల్ లో నటించిన సంగతి తెలిసిందే.
రాహుల్ సాంకృత్యాన్ డైరెక్షన్ లో విజయ్ దేవరకొండ హీరోగా తెరకెక్కిన ట్యాక్సీవాలా సినిమా హిట్ కావడంతో దర్శకుడి కోరిక మేరకు విజయ్ ఈ సినిమాలో గెస్ట్ రోల్ లో నటించడానికి ఒప్పుకున్నట్టు తెలుస్తోంది. మరోవైపు విజయ్ దేవరకొండ ప్రస్తుతం లైగర్ సినిమాలో నటిస్తున్నారు. పూరీ జగన్నాథ్ డైరెక్షన్ లో తెరకెక్కుతున్న ఈ సినిమా విజయ్ కెరీర్ లోనే బిగ్గెస్ట్ హిట్ గా నిలుస్తుందని ఫ్యాన్స్ భావిస్తున్నారు. దాదాపు 125 కోట్ల రూపాయల భారీ బడ్జెట్ తో ఈ సినిమా తెరకెక్కుతున్నట్టు తెలుస్తోంది.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
