‘ఆహా’ కోసం సమంత… ‘సామ్ జామ్’ అనే టాక్ షోని మొదలుపెట్టిన సంగతి తెలిసిందే. మొదటి ఎపిసోడ్ కోసం మన రౌడీ హీరో విజయ్ దేవరకొండను గెస్ట్ గా తీసుకొచ్చింది సమంత. కొద్దిసేపు అతనితో ముచ్చటించిన తరువాత… అసలు విజయ్ దేవరకొండ గురించి జనాలు ఏమనుకుంటున్నారు? అందులో నిజాలు ఏంటి..తప్పులు ఏంటి (అబద్దాలు ఏంటి).. అనే విషయాన్ని విజయ్ తో చెప్పించడానికి సమంత ఓ గేమ్ ను అతని ముందు ఉంచింది.
ఈ క్రమంలో కొన్ని గ్లాస్ ఫ్రేమ్స్‌ ను పెట్టి ఒక్కో గ్లాస్ ఫ్రేమ్‌పై ఒక పదాన్ని ఉండేలా ఏర్పాటు చేసింది. వాటిలో ఏవి విజయ్ తప్పు అనుకుంటున్నాడో వాటిని సుత్తితో పగలగొట్టాలన్న మాట. ఈ నేపథ్యంలో ‘సీరియల్ కిస్సర్’ అనే గ్లాస్‌ను విజయ్ పగలగొట్టడం అందరికీ షాకిచ్చిందనే చెప్పాలి. అటు తరువాత.. ‘నేను సీరియల్ కిస్సర్ ను కాదని’ విజయ్ చెప్పుకొచ్చాడు. దానికి సమంత.. ‘నువ్వు ప్రతీ హీరోయిన్‌ ను ముద్దు పెట్టుకున్నావ్ కదా’ అని సమంత సెటైర్ వేసింది.
దానికి విజయ్.. ‘నేను సామ్ ను ముద్దు పెట్టుకోలేక పోయాను. ఇంకేం సీరియల్ కిస్సర్ని’ అంటూ సమంతకు దిమ్మతిరిగే కౌంటర్ ఇచ్చాడు. నిజానికి విజయ్ దేవరకొండ.. ‘అర్జున్ రెడ్డి’ చిత్రం నుండీ.. తాను నటించే ప్రతీ సినిమాలోనూ లిప్ లాక్ లు ఉండేలా చూసుకుంటున్నాడు. అందుకుగాను విజయ్ పై సోషల్ మీడియాలో రకరకాల మీమ్స్ వస్తుండం కూడా మనకు తెలుసిన విషయమే.! అయితే సమంత అడిగిన దానికి విజయ్ అలా సమాధానం ఇవ్వడంతో.. ఈ విషయం పై సోషల్ మీడియాలో పెద్ద ఎత్తున డిస్కషన్లు జరుగుతున్నాయి.
Most Recommended Video
‘కమిట్‌ మెంటల్’ వెబ్ సిరీస్ రివ్యూ & రేటింగ్!
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
