పుట్టిన రోజు నాడు కేక్‌ కట్‌ చేయమంటే.. ఎవరైనా చిన్న చాకు లేదంటే పెద్ద చాకు తీసుకొస్తారు. కానీ ఏకంగా రాజులు వాడే పెద్ద కత్తి (తల్వార్‌)ను తీసుకొస్తారా? నాకు తెలిసి.. అలా కేక్‌ చేసేది చాలా తక్కువ. అయినా అలా కేక్‌ కట్‌ చేస్తే… పోలీసులు అరెస్టు చేస్తారు. ఆ మధ్య ఎవరో ఇలా చేసి అరెస్టు అయ్యారు కూడా. ఇప్పుడు ఇదంతా ఎందుకు అంటే… తమిళ విలక్షణ నటుడు విజయ్‌ సేతుపతి అదే పని చేశాడు కాబట్టి. ఇటీవల పుట్టిన రోజు సందర్భంగా విజయ్‌ సేతుపతి.. అభిమానుల సమక్షంలో తల్వార్‌తో కేక్‌ కట్‌ చేశాడు. ఆ ఫొటోలు వైరల్ కావడంతో క్షమాపణలు కూడా చెప్పాడు.
విజయ్‌ సేతుపతి తన పుట్టినరోజు సందర్భంగా వినూత్నంగా ప్రయత్నించి విమర్శల పాలైన విషయం తెలిసిందే. దానికి కారణం ఖడ్గం (తల్వార్‌)తో కేక్‌ కట్‌ చేయడమే. ఆ ఫొటో వైరల్ కావడంతో నెటిజన్లు నోళ్లకు పని చెప్పడం ప్రారంభించారు. ట్విటర్‌లో నెటిజన్ల కామెంట్లు కూడా పెరిగాయి. ‘‘గతంలో కొందరు సంఘ విద్రోహశక్తులు ఇలాగే చేసినందుకు వాళ్లను పోలీసులు అరెస్టు చేశారు. మరి ప్రముఖుల విషయంలో ఆ న్యాయం వర్తించదా..?’’ అంటూ ప్రశ్నించారు. దీంతో ఈ విషయంలో ట్రెండింగ్‌లో నిలిచింది. దీంతో విజయ్‌ సేతుపతి సమాధానమిచ్చాడు.
‘‘పుట్టిన రోజు సందర్భంగా పెద్ద కత్తితో కేకు కోయడం వివాదానికి దారితీసింది. నేను ప్రస్తుతం పొన్రమ్ దర్శకత్వంలో ఒక సినిమా చేస్తున్న విషయం తెలిసిందే. ఆ చిత్రంలో ఖడ్గానికి చాలా ప్రాముఖ్య తుంది. అందుకే చిత్రబృందం నాతో తల్వార్‌ను పట్టించి కేక్‌ కట్‌ చేయించింది. అది ఇప్పుడు విమర్శలకు దారి తీసింది. ఇకపై ఇలాంటివి పునరావృతం కాకుండా చూసుకుంటాను. ఎవరినైనా బాధ పెట్టి ఉంటే క్షమించండి’’ అని విజయ్‌ సేతుపతి ట్వీట్‌ చేశాడు. చిత్రబృందం చెప్పింది కదా అని సినిమాలో చేస్తే… ఓకే కానీ ఇలా బయట చేస్తే అతి అనే అంటారు. అందుకే కాస్త చూసుకో అప్పా మక్కల్‌ సెల్వన్‌.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
