చిరంజీవి గత సినిమా సైరా నరసింహారెడ్డి బాక్సాఫీస్ వద్ద హిట్ గా నిలిచిన సంగతి తెలిసిందే. ఈ సినిమాలో జగపతిబాబు వీరారెడ్డి పాత్రలో నటించారు. నెగిటివ్ షేడ్స్ ఉన్న పాత్రను అద్భుతంగా పోషించి జగపతి బాబు సినిమా సక్సెస్ సాధించడానికి కారణమయ్యారు. అయితే చిరంజీవి బాబీ కాంబినేషన్ మూవీలో కూడా జగపతి బాబుకు ఛాన్స్ దక్కిందని ఇండస్ట్రీ వర్గాల్లో ప్రచారం జరుగుతోంది. మైత్రీ మూవీ మేకర్స్ బ్యానర్ లో బాబీ డైరెక్షన్ లో భారీ బడ్జెట్ తో తెరకెక్కుతున్న ఈ సినిమా
షూటింగ్ త్వరలోనే మొదలయ్యే అవకాశాలు ఉన్నాయని వార్తలు వస్తున్నాయి. ఈ సినిమాలో విలన్ పాత్రలో జగపతి బాబు నటిస్తున్నట్టు జరుగుతున్న ప్రచారం గురించి త్వరలో స్పష్టత వచ్చే అవకాశం ఉంది. జగపతి బాబు విలన్ పాత్రలో చేసిన కొన్ని సినిమాలు బాక్సాఫీస్ వద్ద బ్లాక్ బస్టర్ హిట్లుగా నిలిచిన సంగతి తెలిసిందే. చిరంజీవి బాబీ మూవీలో విలన్ పాత్రకు స్పెషల్ మేనరిజమ్ కూడా ఉంటుందని ఇండస్ట్రీ వర్గాల్లో వినిపిస్తోంది.
స్టార్ మ్యూజిక్ డైరెక్టర్ దేవి శ్రీ ప్రసాద్ ఈ సినిమాకు సంగీతం అందిస్తున్నారు. పవర్ సినిమాతో దర్శకునిగా కెరీర్ ను మొదలుపెట్టిన బాబీ సినీ కెరీర్ లో పవర్, జై లవకుశ మినహా మరో హిట్ లేదు. చిరంజీవి సినిమాతో బాబీ భారీ బ్లాక్ బస్టర్ హిట్ ను సొంతం చేసుకుంటారేమో చూడాల్సి ఉంది. బాబీ చిరంజీవి అభిమాని కావడంతో చిరంజీవిని ఏ విధంగా చూపిస్తారో అని ఫ్యాన్స్ ఎదురు చూస్తున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
