డార్లింగ్ ప్రభాస్ ఫ్యాన్స్ కి వరుస సర్ప్రైజ్ లు ఇస్తున్నాడు. నెలల వ్యవధిలో ప్రభాస్ రెండు భారీ ప్రాజెక్ట్స్ ప్రకటించడం జరిగింది. కొద్దిరోజుల క్రితం ప్రభాస్ దర్శకుడు నాగ్ అశ్విన్ తో హై బడ్జెట్ మూవీ ప్రకటించిన సంగతి తెలిసిందే. నిర్మాత అశ్వినీ దత్ నిర్మించనున్న ఈ మూవీ సైన్స్ ఫిక్షన్ చిత్రం అని తెలుస్తుంది. కాగా రెండు రోజుల క్రితం మరో భారీ చిత్రాన్ని ఆయన ప్రకటించారు. దర్శకుడు ఓం రౌత్ తెరకెక్కించనున్న రామాయణ గాథలో ఆయన నటిస్తున్నట్లు అధికారిక ప్రకటన చేయడం జరిగింది.
ఆదిపురుష్ అనే టైటిల్ తో తెరకెక్కనున్న ఈ మూవీలో ప్రభాస్ రాముడిగా కనిపించనుండడం విశేషం. వచ్చే ఏడాది సెట్స్ పైకి వెళ్లనున్న ఈ చిత్రం 2022లో విడుదల కానుంది. కాగా ఆదిపురుష్ పౌరాణిక చిత్రంగా తెరకెక్కుతుండగా ఇందులో కీలక పాత్రలలో నటించే నటులపై ఉహాగానాలు మొదలైపోయాయి. ముఖ్యంగా రామాయణ గాథలో మెయిన్ విలన్ అయిన రావణాసురుడు పాత్ర ఎవరు చేస్తారనే ఆసక్తి నెలకొంది. ఐతే ఈ పాత్ర కోసం ప్రముఖ బాలీవుడ్ నటుడు సైఫ్ అలీ ఖాన్ పేరు తెరపైకి వచ్చింది.
ఆదిపురుష్ సినిమాలో రావణుడిగా ప్రభాస్ ని ఢీకొట్టేది సైఫ్ అలీ ఖాన్ అనే మాట వినిపిస్తుంది. ఐతే ఇది కేవలం పుకారు మాత్రమే, దీనిపై ఎటువంటి అధికారిక ప్రకటన లేదు. దర్శకుడు ఓం రౌత్ గత చిత్రం తన్హాజీ మూవీలో సైఫ్ ఉదయ్ సింగ్ రాథోడ్ అనే విలన్ రోల్ చేశారు. ఔరంగ జేబు అనుచరుడిగా ఆయన అద్భుత నటన కనబరిచారు. దీనితో సైప్ అలీ ఖాన్ పేరు తెరపైకి వచ్చింది.
Most Recommended Video
మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
మన తెలుగు సినిమాలు ఏవేవి బాలీవుడ్లో రీమేక్ అవ్వబోతున్నాయంటే?
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?
