ఎన్నడూలేని విధంగా ఈసారి ‘మా’ ఎలెక్షన్స్ రసవత్తరంగా మారాయి. ప్రకాష్ రాజ్, మంచు విష్ణు మధ్య పోటీ ఆసక్తికరంగా మారింది. అధ్యక్ష బరిలో ఉన్న ఇద్దరు ఇప్పటికే తమ తమ ప్యానల్స్ ను ప్రకటించి నామినేషన్ దాఖలు చేశారు. ఇక ఇప్పుడు ప్రచార కార్యక్రమాలు షురూ చేశారు. ఈ క్రమంలో ఒకరినొకరు దూషించుకుంటూ వార్తల్లో నిలుస్తున్నారు. ఈ ఎన్నికల్లో బాలకృష్ణ తనకు మద్దతు ఇస్తున్నారని ప్రకటించారు మంచు విష్ణు.
ఈ మేరకు ఆదివారం ఉదయం ‘అఖండ’ సినిమా సెట్ కు వెళ్లిన మంచు విష్ణు కాసేపు బాలయ్యతో ముచ్చటించారు. తన మేనిఫెస్టో గురించి వివరించి ఆయన మద్దతు తీసుకున్నారు. ‘మా’ అభివృద్ధి, సభ్యుల సంక్షేమం కోసం తాను చేపట్టనున్న కార్యక్రమాలపై చర్చించారు. మంచు విష్ణు అభిప్రాయాలతో ఏకీభవించిన బాలకృష్ణ తనకు మద్దతు ప్రకటించారని విష్ణు తెలిపారు. ఈ విషయాన్ని ట్విట్టర్ వేదికగా తెలిపిన మంచు విష్ణు..
”బాలా అన్న.. మీ సపోర్ట్ కి ధన్యవాదాలు. మీరు నాకు మద్దతు తెలపడం ఎంతో గర్వంగా ఉందని” రాసుకొచ్చారు. ఇక మా ఎన్నికలు ఈ నెల 10న జరగనున్నాయి.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
