టాలీవుడ్, కోలీవుడ్ ఇండస్ట్రీలలో ఊహించని స్థాయిలో క్రేజ్ ఉన్న మ్యూజిక్ డైరెక్టర్లలో అనిరుధ్ (Anirudh Ravichander) ఒకరు. అనిరుధ్ పారితోషికం సైతం భారీ రేంజ్ లో ఉందనే సంగతి తెలిసిందే. దేవర సినిమా రిలీజ్ కు మరో ఐదు నెలల సమయం ఉండగా ఈ సినిమా కోసం ప్రేక్షకులు ఆసక్తిగా ఎదురుచూస్తున్నారు. ఎన్టీఆర్ (Jr NTR) వీరాభిమానులలో విశ్వక్ సేన్ (Vishwak Sen) ఒకరు కాగా దేవర మూవీ గురించి విశ్వక్ సేన్ ఆసక్తికర విషయాలను వెల్లడించారు. తాజాగా జునియర్ ఎన్టీఆర్ ను కలిసిన విశ్వక్ సేన్ దేవర పాటలు వినడంతో పాటు ఆ పాటల గురించి తన అభిప్రాయాన్ని పంచుకున్నారు.
లవ్ యూ ఎన్టీఆర్ అన్నా అంటూ విశ్వక్ సేన్ తన పోస్ట్ ను మొదలుపెట్టారు. నీపై ఎప్పటికీ లవ్ ఉంటుందంటూ తారక్ గురించి విశ్వక్ కామెంట్లు చేశారు. దేవర మ్యూజిక్ ఆల్బమ్ నెక్స్ట్ లెవెల్ లో ఉందని ఈ ఆల్బమ్ పాటలతో చంపేస్తుందని ఆయన వెల్లడించారు. విశ్వక్ సేన్ ఇన్ స్టాగ్రామ్ వేదికగా చేసిన ఈ పోస్ట్ కు 2.5 లక్షల లైక్స్ రాగా దేవర ఫస్ట్ సింగిల్ కు సంబంధించిన అప్ డేట్ కోసం ఆసక్తిగా ఎదురుచూస్తున్నామని ఎన్టీఆర్ ఫ్యాన్స్ పేర్కొన్నారు.
సిద్ధూ జొన్నలగడ్డ (Siddhu Jonnalagadda) సైతం తారక్ ను కలిశారు. సిద్ధు జొన్నలగడ్డ త్వరలో బిగ్ సర్ప్రైజ్ అంటూ సోషల్ మీడియాలో పోస్ట్ పెట్టారు. సిద్ధు అలా కామెంట్ చేయడంతో దేవర మూవీలో టిల్లు ఉన్నాడా అనే ప్రశ్నలు వినిపిస్తున్నాయి. యంగ్ హీరోలతో సైతం స్నేహ పూర్వకంగా మెలుగుతున్న తారక్ ను నెటిజన్లు తెగ మెచ్చుకుంటున్నారు.
తారక్ లాంటి హీరోలు ఇండస్ట్రీకి ఎంతో అవసరమని నెటిజన్లు కామెంట్లు చేస్తున్నారు. దేవర సినిమాకు అనిరుధ్ ఎలాంటి మ్యూజిక్ ఇచ్చారో చూడాలి. ఈ సినిమా పీరియాడికల్ బ్యాక్ డ్రాప్ మూవీ అని సమాచారం. అండర్ వాటర్ సీక్వెన్స్ లకు ఈ సినిమాలో ఎక్కువ ప్రాధాన్యత ఉంటుందని తెలుస్తోంది.
