టాలీవుడ్ ఇండస్ట్రీలోని ప్రముఖ హీరోలలో ఒకరైన విశ్వక్ సేన్ (Vishwak Sen) దాస్ కా ధమ్కీ (Das Ka Dhamki) ‘గామి’ (Gaami) , గ్యాంగ్స్ ఆఫ్ గోదావరి (Gangs of Godavari) సినిమాలతో హ్యాట్రిక్ విజయాలను అందుకున్నారు. ఈ సినిమా ఫస్ట్ డే కలెక్షన్లు 8.2 కోట్ల రూపాయలు కావడం గమనార్హం. మేకర్స్ పోస్టర్ ద్వారా 8.2 కోట్ల రూపాయల గ్రాస్ కలెక్షన్లు వచ్చాయని అధికారికంగా ప్రకటించడం జరిగింది. ఈరోజు, రేపు కూడా ఈ సినిమాకు కలెక్షన్లు భారీగానే వచ్చే ఛాన్స్ అయితే ఉంది.
ఈ సినిమా సక్సెస్ మీట్ లో భాగంగా విశ్వక్ సేన్ మాట్లాడుతూ వెల్లడించిన విషయాలు నెట్టింట వైరల్ అవుతున్నాయి. గ్యాంగ్స్ ఆఫ్ గోదావరి చిన్నపిల్లలు, పెద్దవాళ్లు అందరికీ నచ్చే మూవీ అని ఈ సినిమాను ప్రోత్సహిస్తున్న ప్రేక్షకులకు కృతజ్ఞతలు అని చెప్పుకొచ్చారు. గ్యాంగ్స్ ఆఫ్ గోదావరి సినిమాతో థియేటర్లు కళకళలాడుతూ హౌస్ ఫుల్ బోర్డులు పెడుతున్నందుకు ఆనందంగా ఉందని విశ్వక్ సేన్ పేర్కొన్నారు.
బాలయ్య సార్ కూడా కుటుంబంతో కలిసి గ్యాంగ్స్ ఆఫ్ గోదావరి సినిమాను వీక్షించారని ఆయన వెల్లడించారు. ఈ సినిమాలో వయస్సుకు మించిన రోల్ లో నటించావని అందరూ మెచ్చుకుంటున్నారని విశ్వక్ సేన్ పేర్కొన్నారు. ఈ టైగర్ ఇక్కడితో ఆగడని ఇంకా చాలా దూరం వెళ్తాడని ఆయన వెల్లడించారు. ఇకపై నేను నాలోని నటుడికి సవాల్ విసిరే వైవిధ్యభరితమైన రోల్స్ చేయాలని భావిస్తున్నానని విశ్వక్ సేన్ అన్నారు.
విశ్వక్ సేన్ భవిష్యత్తు ప్రాజెక్ట్స్ కూడా భారీ రేంజ్ లో తెరకెక్కుతున్నాయి. హ్యాట్రిక్ సాధించిన ఈ హీరో డబుల్ హ్యాట్రిక్ కూడా సాధించాలని అభిమానులు కోరుకుంటున్నారు. విశ్వక్ సేన్ కష్టానికి తగ్గ గుర్తింపు దక్కాల్సి ఉందని ఫ్యాన్స్ చెబుతున్నారు. త్వరలో మరిన్ని క్రేజీ ప్రాజెక్ట్ లతో విశ్వక్ సేన్ ప్రేక్షకుల ముందుకు రావడంతో పాటు భారీ విజయాలను అందుకోవాలని ఫ్యాన్స్ కోరుకుంటున్నారు.
