వి.వి.వినాయక్, ఎన్టీఆర్ పేరు చెప్పగానే మొదటిగా గుర్తొచ్చే సినిమా ఆది. ఈ చిత్రం ఇద్దరికీ మంచి పేరు తీసుకొచ్చింది. ఆ తర్వాత వీరి కాంబినేషన్లో వచ్చిన సాంబ నిరాశ పరిచినప్పటికీ అదుర్స్ మూవీ అందరితో అదుర్స్ అనిపించుకుంది. ఆరేళ్లుగా వీరి కాంబినేషన్లో మళ్లీ సినిమా ఎప్పుడొస్తుందా ? అని ఎదురు చూస్తున్నారు. ఈ ఆలస్యానికి కారణం ఇద్దరూ తమతమ ప్రాజక్టుల్లో బిజీ అవ్వడం ఒక కారణం. అసలు కారణం మాత్రం వేరేగా ఉంది. అది ఏమిటంటే.. మహానటుడు నందమూరి తారక రామారావు నటించి మెప్పించిన దాన వీర సూర కర్ణ మూవీని రీమేక్ చేయాలనీ డైరక్టర్ కి ఎప్పటి నుంచో ఉందంట. ఆ చిత్రంలో జూనియర్ ఎన్టీఆర్ మాత్రమే సూటవుతారని, అతనితోనే తీయాలని ఓ ఇంటర్వ్యూలో వినాయక్ చెప్పారు.
చిత్ర పరిశ్రమ సాంకేతిక పరంగా ఎంతో అభివృద్ధి చెందిన ఈ సమయంలో అలనాటి చిత్రాన్ని మరింత గ్రాండ్ గా తెరకెక్కించవచ్చని చెప్పారు. అయితే ఆ చిత్రం కోసం మేకప్ వేసుకోవడానికి తారక్ కొంత ఓపిక, సహనం అవసరమని వివరించారు. అంటే ఇప్పుడు ఎన్టీఆర్ కి కోపమని కాదు.. గంటల తరబడి మేకప్ వేసుకోవడం, బరువైన నగలు ధరించి ఎక్కువ సేపు సెట్ లో ఉండాలంటే మరింత ఓపిక కావాలని స్పష్టం చేశారు. ఆ చిత్రం స్క్రిప్ట్ వర్క్ కోసం ఒక ఏడాది టైం కేటాయించాలని వివరించారు. స్క్రిప్ట్ పూర్తి అయిన వెంటనే ఎన్టీఆర్ ని కలిసి సినిమా ప్రకటించనున్నట్లు వినాయక్ తెలిపారు.
Also, do SUBSCRIBE to our YouTube channel to get latest Tollywood updates.
