‘ఆదిపురుష్‌’ సినిమా టీజర్‌ వచ్చాక టాలీవుడ్‌లోనే కాదు బాలీవుడ్‌లో కూడా దర్శకుల ఆలోచనలు మారాయి అని అంటుంటారు. ఎందుకంటే ఆ సినిమా టీజర్‌కు, సినిమాకు వచ్చిన రెస్పాన్స్‌ అలాంటిది మరి. అంతటి నెగిటివిటీ, అభిమానులు/ ప్రేక్షకుల కోపాన్ని ఎవరూ ఊహించలేదు. అయితే ఏదేదో మార్చేసి తీసుకొస్తున్నాం సినిమాను వాయిదా వేసి తెచ్చారు. అయినా అదే పరిస్థితి. అంతలా కాకపోయినా ‘కల్కి 2898 ఏడీ’ విషయంలో కాస్త నెగిటివిటీ వచ్చింది. దీంతో టీమ్ ఏమైనా ఆత్మవిమర్శ చేసకుంటోందా అనే చర్చ నడుస్తోంది.
‘కల్కి’ దర్శకుడు నాగ్ అశ్విన్ (Nag Ashwin) ఇప్పుడు అచ్చంగా అలాంటి పనిలోనే ఉన్నారు అంటున్నారు. భారతీయ సినిమా చరిత్రలోనే అత్యంత భారీ బడ్జెట్‌తో తెరకెక్కుతున్న ‘కల్కి 2898 ఏడీ’కి సంబంధించి కొన్ని కొత్త కసరత్తులు నడుస్తున్నాయి అని అంటున్నారు. సినిమాకు హైప్, రెస్పాన్స్‌ చూశాక ఇంకాస్త సమయం తీసుకున్నా… జాగ్రత్తగా చేయాలనే ఆలోచనకు వచ్చారని టాక్‌. ఈ మేరకు నాగ్ అశ్విన్ విజువల్‌ ఎఫెక్ట్స్‌ విషయంలో మరోసారి కూర్చోవడానికి రెడీ అయ్యారు అని సమాచారం.
ఏంటి… అంతా బాగానే ఉంది కదా అని కొందరు అనుకోవచ్చు. అయితే నాగీ అలా వదిలేసే రకం కాదు. చిన్న సీన్‌ అయినా బాగోలేకపోతే మళ్లీ ఎంత ఖర్చైనా తీసే రకం. అందుకే ఆ వీఎఫ్‌ఎక్స్‌ పంచాయితీలో మళ్లీ సినిమా రాకుండా చూసుకోవాలి అనుకుంటున్నారట. మొన్నీమధ్య వచ్చిన అనౌన్స్‌మెంట్‌ వీడియోలో వీఎఫ్‌ఎక్స్‌ విషయంలో చిన్నపాటి చర్చ కూడా జరిగింది. అది మన దగ్గర తక్కువగా విదేశాల్లో ఎక్కువగా సాగింది అని చెప్పొచ్చు.
ఈ సినిమా పాన్‌ వరల్డ్‌ స్థాయిలో తీసుకొస్తున్నారు కాబట్టి ఆ మాటల్ని కూడా పరిగణలోకి తీసుకుంటున్నారట. ఇలా ఇప్పుడు నుండే జాగ్రత్త పడకపోతే ‘ఆదిపురుష్‌’ సినిమాకు పట్టిన గతే తమ సినిమాకు పడుతుందని కొంతమంది నెటిజన్లు కామెంట్లు చేసిన విషయం తెలిసిందే. ఈ నేపథ్యంలో ఈ కసరత్తుల నిర్ణయం అని అంటున్నారు. మరి ఏ మేరకు మార్పులు చేస్తారో చూడాలి.
ఆ హీరోయిన్ ఎంత రెమ్యునరేషన్ తీసుకుంటుందో తెలిస్తే షాక్ అవుతారు..!
‘బ్రో’ ‘బలగం’ తో పాటు చావు కాన్సెప్ట్ తో రూపొందిన 10 సినిమాల లిస్ట్..
హైప్ లేకుండా రిలీజ్ అయిన 10 పెద్ద సినిమాలు… ఎన్ని హిట్టు… ఎన్ని ప్లాప్?
