రాజమౌళి ఆర్ ఆర్ ఆర్ ప్రొమోషన్స్ షురూ చేశారు. 400 కోట్లకు పైగా బడ్జెట్ తెరకెక్కుతున్న ఈ భారీ చిత్రం ఇప్పటికే వందల కోట్లలో ప్రీ రిలీజ్ బిజినెస్ చేసింది. మరి ఆ స్థాయిలో వసూళ్లు రావాలంటే ప్రమోషన్స్ చాలా అవసరం. సినిమాలో ఎంత విషయం ఉన్నా ప్రేక్షకుల్లో ముందుగానే సినిమాపై ఆసక్తి రేపాలి. అందుకే రాజమౌళి గత నెల ఉగాది కానుకగా ఆర్ ఆర్ ఆర్ టైటిల్ లోగో మరియు మోషన్ పోస్టర్ విడుదల చేశారు.
రౌద్రం రణం రుధిరం అనే టైటిల్ ని ఆర్ ఆర్ ఆర్ టైటిల్ వెనకున్న పూర్తి అర్థంగా రివీల్ చేసిన రాజమౌళి, ఎన్టీఆర్-చరణ్ లను నీరు, నిప్పుగా పరిచయం చేశాడు. ఇక చరణ్ పుట్టిన రోజు కానుకగా భీమ్ ఫర్ రామరాజు వీడియో పేరుతో చరణ్ ఫస్ట్ లుక్ వీడియో విడుదల చేయడం జరిగింది. కాగా ఆర్ ఆర్ ఆర్ లో బాలీవుడ్ హీరో అజయ్ దేవ్ గణ్ ఓ కీలక రోల్ చేస్తుండగా ఆయన పుట్టినరోజు నేడు. ఆయన బర్త్ డే కొరకు ఓ స్పెషల్ వీడియో విడుదల చేయాల్సి ఉండగా కరోనా వైరస్ కారణంగా లాక్ డౌన్ అమలులో ఉన్న నేపథ్యంలో అది సాధ్యం కాలేదని తెలుస్తుంది.
రాజమౌళి అయితే ముందుగానే ఆర్ ఆర్ ఆర్ ముఖ్య నటుల పుట్టినరోజుకు ఆర్ ఆర్ ఆర్ పరిచయ వీడియోలు విడుదల చేయాలి భావించారట. అనుకున్నది అనుకున్నట్టు జరిగితే నేడు ఆర్ ఆర్ ఆర్ నుండి అజయ్ దేవ్ గణ్ పాత్రను పరిచయం చేస్తూ ఓ వీడియో వచ్చేది. ఇక ఆర్ ఆర్ ఆర్ టీమ్ ఆయన సేవలను కొనియాడుతూ ట్విట్టర్ లో బర్త్ డే విశెష్ చెప్పి సరిపెట్టారు.
Most Recommended Video
ఈ 17 ఏళ్లలో బన్నీ వదులుకున్న సినిమాలు ఇవే!
మన టాలీవుడ్ డైరెక్టర్స్ మరియు వారి భార్యలు!
సొంత మరదళ్ళను పెళ్లాడిన టాప్ స్టార్స్
