‘మహానటి’ తరువాత బయోపిక్ ల హవా ఎక్కువైన సంగతి తెలిసిందే. ఇప్పటికే ఎన్టీఆర్ బయోపిక్ అంటూ.. ‘ఎన్టీఆర్ కథానాయకుడు’ ‘ఎన్టీఆర్ మహానాయకుడు’ ‘లక్ష్మీస్ ఎన్టీఆర్’ వంటి చిత్రాలు వచ్చాయి. కానీ అవేమి విజయవంతం కాలేదు. వై.ఎస్.ఆర్ బయోపిక్ అంటూ ‘యాత్ర’ వచ్చింది. ఆ చిత్రం సో సోగా ఆడింది. అయితే ఏ చిత్రం కూడా ‘మహానటి’ అంత పెద్ద హిట్ అయితే అవ్వలేదు. కానీ ఇంకా బయోపిక్ లు రూపొందుతూనే ఉన్నాయి. తెలుగులో మాత్రమే కాదు తమిళంలో జయలలిత బయోపిక్ రూపొందుతోంది. ఇక బాలీవుడ్లో ఇప్పటీకే ‘ధోని’ ‘సంజు’ ‘గుంజన్ సక్సేనా’ బయోపిక్ లు రూపొందగా… త్వరలో కపిల్ దేవ్ బయోపిక్ కూడా రాబోతుంది.
ఈ క్రమంలో తెలుగులో సౌందర్య బయోపిక్ ను కూడా రూపొందించాలని ఓ అగ్ర నిర్మాణ సంస్థ ప్రయత్నిస్తుందట. సావిత్రి గారి తరువాత ఆ స్థాయిలో స్టార్ డం ను సంపాదించుకున్న హీరోయిన్ సౌందర్యనే..! ఎక్కువగా గ్లామర్ షో పై శ్రద్ద పెట్టకుండా.. నటన పై ఫోకస్ పెట్టి.. మంచి కథా ప్రాధాన్యత కలిగిన సినిమాలు చేసిందామె. కన్నడకు చెందిన అమ్మాయే అయినప్పటికీ తెలుగింటి అమ్మాయి అనేలా ఫేమస్ అయ్యింది సౌందర్య. 2004 లో ఈమె హెలికాఫ్టర్ ప్రమాదంలో మరణించింది.
అయితే ఈమె జీవితంలో మనకు తెలియాని అంశాలు చాలానే ఉన్నాయట. ప్రేక్షకులను థియేటర్లకు రప్పించడానికి అవి సరిపోతాయని ఆ సదరు నిర్మాణ సంస్థ భావిస్తోందట. అయితే సౌందర్య ను మ్యాచ్ చేసేలా ఏ హీరోయిన్ సెట్ అవుతుంది. ఆ పాత్రను పోషించడం అంటే అంత ఈజీ కూడా కాదు. చూడాలి మరి ఎవరిని పట్టుకొస్తారో..!
Most Recommended Video
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
