బాలీవుడ్‌లో స్టార్‌ హీరోలకు నేనే పోటీ అనే స్వయం ప్రకటిత స్టార్‌ హీరోయిన్ ఎవరన్నా ఉన్నారా? అంటే అది కంగనా రనౌత్‌ అని చెప్పొచ్చు. ఈ మాట మేం అనేది కాదు.. ఆమె బాలీవుడ్‌ గురించి, అక్కడి పద్ధతుల గురించి మాట్లాడినప్పుడల్లా సోషల్‌ మీడయాలో నెటిజన్లు ఇదే మాట అంటూ ఉంటారు. బాలీవుడ్‌ కల్చర్‌ను తూర్పారబెట్టేసి.. టాక్ ఆఫ్‌ ది ఇండస్ట్రీ అండ్‌ సోషల్‌ మీడియాగా వెలిగిపోయింది కంగనా. ఈ క్రమంలో భారీ విజయాలు అందుకుని స్టార్‌ హీరోయిన్ అయిపోయింది. ఈ సమయంలో ఆమెకు గుర్తుకు రాని సౌత్‌ ఇండస్ట్రీ ఇప్పుడు కనిపిస్తోంది.
ఎప్పుడో 13 ఏళ్ల క్రితం ‘ఏక్‌ నిరంజన్‌’ సినిమాతో టాలీవుడ్‌లోకి ఎంట్రీ ఇచ్చింది కంగన రనౌత్‌. అప్పటికే సంవత్సరం ముందు అంటే 2008లో ‘ధామ్‌ ధూమ్‌’ అంటూ తమిళంలో ఎంట్రీ ఇచ్చింది. ఈ రెండు సినిమాల తర్వాత మళ్లీ ఆమె సౌత్‌ వైపు చూడలేదు. బాలీవుడ్‌లో చాలామంది సాయాలు అందుకుంటూ స్టార్‌ హీరోయిన్ స్థాయికి వెళ్లిపోయింది. వన్స్‌ ఆ స్థాయికి వెళ్లాక తనకు ఎవరూ సాయం చేయలేదు అంటూ తన బాధను చెప్పుకొచ్చింది కంగన. ఈ క్రమంలో సౌత్‌ను కూడా పక్కనపెట్టేసింది.
అయితే ఏమైందో ఏమో ఇటీవల ఆమెకు సౌత్‌ ప్రేమ ఎక్కువైంది. ‘తలైవి’ అంటూ గతేడాది తమిళం, హిందీలో ఓ బయోపిక్‌ చేసింది. దివంగత జయలలిత జీవిత చరిత్రను ఆ సినిమాలో చూపించింది. ఆ సినిమా బాక్సాఫీసు దగ్గర తేడా కొట్టినా… ఆ సినిమా నిర్మాతలు ఏటా అందించే ఓ అవార్డును ఆమె సంపాదించింది. అలా తనకు సౌత్‌ మీద ప్రేమ ఉందని చూపించిన కంగనా.. ఇప్పుడు మళ్లీ తమిళంలోకి వచ్చింది. ‘చంద్రముఖి 2’ సినిమా రూపంలో తమిళ సినిమాను ఓకే చేసింది. ఈ మేరకు ఆ సినిమా టీమ్ అనౌన్స్‌ చేసింది కూడా.
అలా స్టార్‌ హీరోయిన్‌గా బాలీవుడ్‌ దూసుకుపోతున్న సమంలో, బాలీవుడ్‌ అగ్ర స్థానంలో ఉన్నప్పుడు సౌత్‌ వైపు చూడని కంగనా.. ఇప్పుడు సౌత్‌ మీద ప్రేమ చూపిస్తోంది. బాలీవుడ్‌ స్టార్‌ కంగనగా ఆమె ఉన్నప్పుడు ఆమె సినిమాలు ఇక్కడ రాలేదు, ఇక్కడి అవకాశాలకు ఆమె ఓకే అనలేదు. అంతెందుకు ఇక్కడి డైరక్టర్‌ క్రిష్‌తో ‘మణికర్ణిక’ చేసి.. మధ్యలోనే అతనిని తప్పించేసింది. ఇప్పుడు సౌత్‌ సినిమాలు వరుసగా ఓకే చేస్తోంది.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
