ఊహ తెలియని వయస్సులోనే సిసింద్రీ సినిమాలో అద్భుతంగా నటించి ఎంతోమంది అభిమానులను సంపాదించుకున్నారు అఖిల్. కేవలం ఆరు నెలల వయస్సులోనే సిసింద్రీ సినిమాలో అఖిల్ నటించడం గమనార్హం. ఆ సినిమా బాక్సాఫీస్ దగ్గర బ్లాక్ బస్టర్ హిట్ గా నిలిచింది. అలా బాల్యంలోనే బ్లాక్ బస్టర్ అందుకున్న అఖిల్ పెద్దయ్యాక మాత్రం వరుస ఫ్లాపులతో కెరీర్ విషయంలో ఒడిదొడుకులు ఎదుర్కొంటున్నారు. హీరోగా సినిమాల్లోకి ఎంట్రీ ఇవ్వకముందే అఖిల్ కచ్చితంగా మాస్ హీరో అవుతాడని అక్కినేని ఫ్యాన్స్ భావించారు.
అఖిల్ హీరోగా నటించిన తొలి సినిమా “అఖిల్” దాదాపు 45 కోట్ల రూపాయల బడ్జెట్ తో తెరకెక్కగా ఈ సినిమాపై రిలీజ్ కు ముందు భారీగా అంచనాలు ఏర్పడ్డాయి. ఆ అంచనాలను “అఖిల్” మూవీ అందుకోవడంలో ఫెయిలైంది. అఖిల్ రెండో సినిమా హలో టీజర్, ట్రైలర్ బాగుండటంతో పాటు సినిమాకు ప్రేక్షకుల నుంచి పాజిటివ్ టాక్ వచ్చింది. హలో మూవీకి పాజిటివ్ టాక్ వచ్చినా కలెక్షన్లపరంగా ఈ సినిమా నిరాశపరిచింది. దాదాపు 30 కోట్ల బడ్జెట్ తో తెరకెక్కిన హలో 16 కోట్ల రూపాయల షేర్ కలెక్షన్లను సాధించింది.
అఖిల్ మూడో సినిమాగా వెంకీ అట్లూరి డైరెక్షన్ లో తెరకెక్కిన మిస్టర్ మజ్ను కూడా బాక్సాఫీస్ దగ్గర ఫ్లాప్ గా నిలిచింది. ప్రస్తుతం అఖిల్ బొమ్మరిల్లు భాస్కర్ డైరెక్షన్ లో మోస్ట్ ఎలిజిబుల్ బ్యాచిలర్ సినిమాలో నటిస్తున్నారు. అయితే ఈ సినిమాపై కూడా అఖిల్ ఫ్యాన్స్ కు పెద్దగా అంచనాలు లేవు. సురేందర్ రెడ్డి డైరెక్షన్ లో 40 కోట్ల రూపాయలకు పైగా బడ్జెట్ తో తెరకెక్కుతున్న ఏజెంట్ సినిమాతో మాత్రం అఖిల్ బిగ్గెస్ట్ బ్లాక్ బస్టర్ హిట్ సాధించి కలెక్షన్ల లెక్కలను మార్చి కొత్త రికార్డులను క్రియేట్ చేస్తాడని అఖిల్ ఫ్యాన్స్ భావిస్తున్నారు. ఫ్యాన్స్ నమ్మకాన్ని అఖిల్ నిజం చేస్తారో లేదో తెలియాల్సి ఉంది.
Most Recommended Video
వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!
