2023 టాప్- 10 గ్రాసర్స్.. ఏ సినిమా ఎక్కువ కలెక్ట్ చేసిందంటే?

ఏ సినిమాకి అయినా మొదటి కలెక్షన్స్ అనేవి చాలా కీలకం. ఓపెనింగ్స్ ను బట్టే.. సినిమా బాక్సాఫీస్ వద్ద ఎంతవరకు రికవరీ చేయగలదు అనే విషయం తేలిపోతుంది. దర్శక నిర్మాతలు కూడా మొదటి రోజు సాధ్యమైనంత వరకు ఎక్కువగా రికవరీ చేసుకోవాలని భావిస్తున్నారు. అందుకోసం తన సినిమాని భారీగా వేల కొద్దీ స్క్రీన్స్ లో రిలీజ్ అయ్యేలా ప్లాన్ చేసుకుంటున్నారు. మొదటి రోజు కలెక్షన్స్ కి టాక్ తో ఎక్కువ సంబంధం ఉండదు. ముందు నుండీ ఆ సినిమా పై ఏర్పడిన హైప్ వల్లే .. ఫుట్-ఫాల్స్ అనేవి ఆధారపడి ఉంటాయి.

ఈ ఏడాది ఎన్నో సినిమాలు భారీ ఓపెనింగ్స్ ను సాధించాయి. ప్రభాస్ ‘ఆదిపురుష్’ , షారుఖ్ ఖాన్ ‘పఠాన్’ సినిమాలు అయితే మొదటి రోజే రూ.100 కోట్లు పైగా గ్రాస్ ను కలెక్ట్ చేసి ట్రేడ్ కి సైతం షాకిచ్చాయి. రాజమౌళి సినిమాలకు తప్ప.. ఈ రేంజ్ ఓపెనింగ్స్ సాధించే కెపాసిటీ వేరే సినిమాలకి ఉండకపోవచ్చు. సరే ఈ విషయాలను పక్కన పెట్టేసి.. 2023 లో అత్యధిక ఓపెనింగ్స్ రాబట్టిన సినిమాలు ఏంటో ఓ లుక్కేద్దాం రండి :

1) ఆదిపురుష్ :

ప్రభాస్ హీరోగా ఓం రౌత్ దర్శకత్వంలో రూపొందిన ‘ఆదిపురుష్’ చిత్రం తొలి రోజు వరల్డ్ వైడ్ గా ఏకంగా రూ.137 కోట్ల గ్రాస్ వసూళ్లను రాబట్టింది. ఈ ఏడాది బిగ్గెస్ట్ ఓపెనింగ్స్ సాధించిన సినిమాల్లో నెంబర్ వన్ ప్లేస్ ను దక్కించుకుంది ఈ చిత్రం.

2) పఠాన్ :

బాలీవుడ్ బాద్ షా షారుఖ్ ఖాన్ హీరోగా సిద్ధార్థ్ ఆనంద్ దర్శకత్వంలో తెరకెక్కిన ‘పఠాన్’ చిత్రం తొలి రోజు వరల్డ్ వైడ్ గా ఏకంగా రూ.105 కోట్ల గ్రాస్ వసూళ్లను రాబట్టింది.

3) జైలర్ :

సౌత్ ఇండియన్ సూపర్ స్టార్ రజినీకాంత్ హీరోగా నెల్సన్ దిలీప్ కుమార్ దర్శకత్వంలో తెరకెక్కిన ఈ చిత్రం మొదటి రోజు ఏకంగా రూ.91 .20 కోట్ల గ్రాస్ వసూళ్లను రాబట్టింది.

4) పీఎస్2 :

మణిరత్నం తెరకెక్కించిన ఈ పాన్ ఇండియా మూవీ మొదటి రోజు రూ.59.12 కోట్ల గ్రాస్ వసూళ్లను రాబట్టి టాప్ ప్లేస్ ను దక్కించుకుంది.

5) గదర్ 2 :

సన్నీ డియోల్, అమీషా పటేల్ ప్రధాన పాత్రల్లో తెరకెక్కిన ఈ చిత్రం మొదటి రోజు రూ.53.50 కోట్ల గ్రాస్ వసూళ్లను రాబట్టింది.

6) వీరసింహారెడ్డి :

నందమూరి బాలకృష్ణ హీరోగా గోపీచంద్ మలినేని దర్శకత్వంలో తెరకెక్కిన ఈ చిత్రం మొదటి రోజు రూ.50.10 కోట్ల గ్రాస్ వసూళ్లను రాబట్టింది.

7) వాల్తేరు వీరయ్య :

మెగాస్టార్ చిరంజీవి – రవితేజ కాంబినేషన్లో రూపొందిన ఈ చిత్రం మొదటి రోజు రూ.49.10 కోట్ల గ్రాస్ వసూళ్లను రాబట్టింది.

8) బ్రో :

పవన్ కళ్యాణ్ – సాయి ధరమ్ తేజ్ కాంబినేషన్లో రూపొందిన ఈ చిత్రం మొదటి రోజు రూ.48.50 కోట్ల గ్రాస్ ను రాబట్టింది.

9) వారిసు(వారసుడు) :

విజయ్ – వంశీ పైడిపల్లి కాంబినేషన్లో వచ్చిన ఈ చిత్రానికి దిల్ రాజు నిర్మాత. మొదటి రోజు ఈ చిత్రం రూ.47.52 కోట్ల గ్రాస్ ను రాబట్టింది.

10) తునీవు(తెగింపు ) :

అజిత్ హీరోగా హెచ్.వినోద్ దర్శకత్వంలో రూపొందిన ఈ చిత్రం మొదటి రోజు రూ.41 కోట్ల గ్రాస్ ను రాబట్టింది.